Андрианов Андрей Андрианович

АНДРИАНОВ АНДРЕЙ АНДРИАНОВИЧ (1939-2010),
Марий АССР-ын калык артистше (1989),

Марий Эл Кугыжаныш премийын лауреатше (2005),
Йыван Кырла лÿмеш театральный премийын лауреатше (2006)  

 1939 ий 24 апрельыште Башкортостан Республикысе Мишкан район, Кульчубай ялеш шочын.
1958 ийыште, Чорай кыдалаш школым тунем пытарымеке, Йошкар-Олашке толын да И.С.Палантай лÿмеш Музыкальный училищын ямдылалтме отделенийышкыже пурен. Вокал дене тудым педагог Л.Краснов туныктен. 1960 ийыште вокал отделенийын икымше курсшым эртымеке, А.В.Луначарский лÿмеш Театр искусство кугыжаныш институтын актёр отделенийышкыже тунемаш пурен. Тиде курсым тунам Н.В.Чефранова ден П.В.Лесли вуйлатеныт. 1965 ийыште, тиде курсым тунем пытарымек, М.Шкетан лÿмеш Марий кугыжаныш театрыш толын да тыште коло ныл ий пашам ыштен.
Самырык актёр тÿҥалтыштак тÿрлö образым чоҥымыж дене ойыртемалтын. Тÿрлö жанр дене возыман произведений почеш шындыме спектакльлаште тудо шкенжым тÿрлö могырым ончыктен. Тидыжым Труффальдинон (К.Гольдони, «Кок озан тарзыже»), лирик кумылан Пьеро (Л.Толстой, «Шöртньö сравоч»), весела Кукса (М.Кропивницкий, «Орадеш кодыныт») пеҥгыдемдат.
Профессиональный сценыште актёр почтальон Костян, Салтакын (А.Мизагитов, «Чоя шешке», «Салтакын эргыже»), Чопайын (С.Николаев, «Салика»), Алексейын (С.Кайтовын, «Ава шÿм»), Романын (А.Волков, «Каче-влак») да моло рольымат модмыж дене театрын творческий коллективышкыже писын ушнен.
А.Андриановын мурымо мастарлыкшат ойыртемалтше, тудо республикыштына веле огыл, тыгак öрдыж кундемлаштат калык да эстрада муро-шамычым устан шергылтарымыж дене кумдан палыме. Спектакльыште роль дене келшышын мурымыжо образым келгынрак почын пуаш полшен. Шамрай Шуматовын (М.Шкетан, «Эреҥер», 1967) образшым лач тыгак чоҥен.
А.Андрианов М.Шкетан лÿмеш Марий кугыжаныш театрыште пашам ыштыме жапыште комедий сынан образымат шагал огыл чоҥен: Йыван (Н.Айзман, «Кай, кай Йыванлан», 1971), Мичуш (Н.Арбан, «Кеҥеж йÿд», 1973), Гурий Тынянский да Энсай Кажаев (М.Рыбаков, «Томаша», 1985; «Эргымлан кузык», 1988) да молат актёрын поснак воштылтышан лийыныт.
Кугу Отечественный сарын салтакше Миклайын рольжо (К.Коршунов, «Шÿм парым», 1988) А.Андриановын мастарлыкшым эше кумданрак почын ончыктен. Геройын психологийжым тÿрыс умылен, актёр сай образым ыштен. Тыгак ойлаш лиеш В.Распутинын «Пытартыш кече» драмыштыже Ильян рольжо нергенат.
1973 ийыште А.Андрианов «Марий АССР-ын заслуженный артистше», а 1989 ийыште «МАССР-ын калык артистше» почётан лÿм дене палемдалтын.
М.Шкетан лÿмеш Марий кугыжаныш театрын сценыштыже 80 утла рольым чоҥымек, 1989 ийыште А.Андрианов Республикысе культура училищыште туныкташ тÿҥалын.
1991 ийыште, Марий самырык театр почылтмек, туныктымо паша жапыштак у коллективын пашашкыже ушнен да тыште тудо тÿрлö койыш-шоктышан роль-влакым модын: профессор Серебряков (А.Чехов, «Ваня чÿчÿ», 1993), Румянцев (В.Домрачев, В.Сапаев, «Эрге», 1992), Ямбулат князь (Г.Гордеев, «Ӧртöмö он», 1993), чимарий карт (Г.Гордеев, Болтуш», 1994), Тойплат (Г.Гордеев, «Мый ом суко садак», 1997).
Йомак персонаж-влакымат актёр сценыште мастарын модын ончыктен: Кугыжа (Л.Филатов, «Про Федота-стрельца, удалого молодца», 1995), Змей Горыныч (Б.Федотов, «В огне не горит, в воде не тонет», 1995), Мумбо-Юмбо Канибал (М.Рыбаков, «Окса мешак», 1997), Кишкон (В.Абукаев-Эмгак, «Шöртньö пÿкш», 1998) да молат.
1999 ийыште А.Андрианов сулен налме канышыш лектын гынат, театрыште пашам ышташ кодын. Пытартыш рольжо Т.Миннуллинын "Чодыраял Элыксандр" спектакльыштыже Элыксандрын рольжо лийын.

 

 

Афише

22 мартыште /вр/ -Премьера
Осал чоялык да йöратымаш /12+/
18.00 шагатлан
Билетым налаш 

24 мартыште /кг/ -
"Йошкар-Ола театральная" фестиваль жапыште
Премьера
Эргымлан кузык /12+/
18.00 шагатлан
Билетым налаш 

25 мартыште /шм/ -
"Йошкар-Ола театральная" фестиваль жапыште
Курыкмарий театр
Оръеҥ мелна /12+/
15.00 шагатлан
Билетым кассыште налман

26 мартыште /рш/ -
В некотором царстве /6+/
11.00 шагатлан
Билетым налаш  

26 мартыште /рш/ -
Марий эстрадын шӱдыржö-влак  /12+/
Концерт
15.00 шагатлан
Билетым налаш 

28 мартыште /кг/ -
Изи залыште
Премьера
Цилиндр /16+/
18.00 шагатлан
Билетым кассыште налман 

30 мартыште /из/ -
Айдеме йöратымаш /18+/
18.00 шагатлан
Билетым налаш   

2 апрельыште /рш/ -
Ойырледа? Огына ойырло! /16+/
15.00 шагатлан
Билетым налаш 

4 апрельыште /кш/ -
Салика /12+/
18.00 шагатлан
Билетым налаш 

6 апрельыште /из/ -
Йöратымаш да кöгöрчен-влак /12+/
18.00 шагатлан
Билетым налаш 

9 апрельыште /рш/ -
Сöсна поминка /16+/
15.00 шагатлан 
Билетым налаш 

11 апрельыште /кш/ -
К.В.Иванов лӱмеш Чуваш кугыжаныш академический драма театр
Красная шапочка и инопланетяне /6+/
10.00 шагатлан    

12 апрельыште/вр/ -
Изи залыште
Премьера
Цилиндр /16+/
18.00 шагатлан
Билетым кассыште налман

21 апрельыште /кг/ -
Премьера
Тулар ден тулаче /12+/
18.00 шагатлан
Билетым налаш 

23 апрельыште /рш/ -
97-ше театр тургымым петырымаш
Премьера
Тулар ден тулаче /12+/
15.00 шагатлан
Билетым налаш 

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  78-13-78 (касса)
телефон дене бронироватлаш лиеш.

Виртуальный тур

Задай свой вопрос!

Click on the image to change it

Тенийлан лӱмгече


23 мартыште
Марий АССР-ын сулло арт.,
РСФСР-ын сулло арт.
(1927-2014) -
90 ий  
 
23 апрельыште
МАССР искусствын сулло деятельже,
Марий Элын калык арт.
(1932-2009) -
85 ий 

 
 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)