Смирнов Иван Викентьевич
Марий Эл Республикын калык артистше (1999)
Российын сулло артистше (2007)
Олык Ипай лӱмеш Кугыжаныш молодёжный премийын лауреатше (1996)
Йыван Кырла л
ӱмеш театр премийын лауреатше (1997, 2001 да 2004)

1961 ий 2 июльышто У Торъял район, Кугу Пызак ялыште шочын.
1978 ийыште, верысе кыдалаш школым тунем пытарымек, М.Горький лӱмеш Марий кугыжаныш политехничский институтын чодыра инженер факультетышкыже пурен. Кок ий тушто тунемын, но 1980 ийыште изи годсо шонымашкыже шумо амал дене А.В.Луначарский лӱмеш Театр искусство кугыжаныш институтын актёр отделенийышкыже тунемаш каен. Тиде курсым тунам РСФСР-ын калык артистше П.О.Хомский вуйлатен.
— ГИТИС-ым тунем пытарымек, мыйым армийыш нальыч,- воза варажым И.Смирнов.— Тыгодымат театр дене кылым йомдарен омыл. Мылам режиссёрна Сарра Степановна Кириллова серышым возкален. Тудын шомаклажым шарнем: «Театр – тиде тыгаяк служба». Тунам ӧрынам ыле – могай эше служба? Чынжымак, театрынат шкенжын законжо уло улмаш. Армий гыч 1987 ийыште пӧртыльым. «Шарнет, Элиса?» (К.Коршунов) спектакльыште массовкышто икымше гана модынам, рольысо еҥемын лӱмжат уке ыле, но моткочак тургыжланенам.
Тачысе кечын И.Смирнов - театрыште вӱдышӧ актер. Мурызо семынат кумдан палыме. Спектакльыште веле огыл, эстрада концертлаштат тӱрлӧ мурым шергылтара. Йочаж годымак музыкальный школышто баяным шокташ тунемын. А 1994 ийыште, пашам ыштыме жапыштак, И.С.Палантай лӱмеш Музыкальный училищын вокал отделенийжым тунем пытарен. Чыла тидыже роль-влакым чоҥымаште моткоч полша. В.Шекспирын «Латкокымшо йӱд» комедийыштыже (1987) И.Смирнов мудреч да мыскараче Фест шутын рольжым пеш мастарын модын ончыктен. Тыгодым композитор Т.Хренниковын музыкыжлан возымо муро да баллада-влак ончышылан утларак келшеныт.
И.Смирновын тӱҥалтыште кугу рольжылан М.Рыбаковын «Эргымлан кузык» (1988) трагикомедийыштыже Микин рольжым шотлыман. Актёр шке тукымвож деч торлышо да ончыкыжым мо лийын кертшашым умылен шуктыдымо самырык еҥын рольжо гоч ончышо-влакым эше ик гана шоналташ тарата. Н.Игнатьевын романже почеш ямдылыме «Савик» (1989) трагикомедийыште тудын геройжо моткоч кугу философий шонымашан. И.Смирновын мурым, мураш йӧратымыже С.Чавайнын «Акпатыр» (1987) драмыштыже Тойблатын образшым почаш моткоч полшен. Тыгак тудо М.Рыбаковын «Морко сем» (1995) драмыштыже Стапан Микалын рольжым пеш сайын чоҥен.
И.Смирнов, мутат уке, тӱрлº образым чоҥен кертше актёр. Классикыштат тудын мастарлыкше кумдан да раш почылтеш: Скапенын (Мольер, «Чоя Скапен», 1995), Нароковын, адвокат Маргаритовын да упеч Неуеденовын (А.Островский, «Сонарзе ден суксо-влак», 1990; «Вараш кодшо йӧратымаш», 2000 да «Мом кычалат, тудымак муат», 2000), Наполеонын (Б.Шоу, «Пӧръеҥ пиал», 2000), шоҥгын (А.Камю, «Йоҥылыш», 1995), Кушакын (А.Вампилов, Сонар содом», 2002) да молынат рольыштым чон гоч колтенак чоҥа. Н.Гогольын «Женитьба» пьесыж почеш В.Пектеевын шындыме «Каче пазар» спектакльыште И.Смирновын мдмыжым рӱдӧ прессыштат моктен возеныт.
Актёр жанрым да стильым сайын умыла, тидыжак тудлан образыш келгын пурен каяш да тудым кӱлеш кӱкшытыш нӧлталаш полша. Марий сценылан чылт у жанран да стилян спектакльлаште тидыже раш коеш: Ю.Байгузан «Порсын лӱҥгалтыш» пьеса-притчыж почеш шындыме спектакльыште Иктын (1999), «Поргем ӱмбалне ӱжараште» Иксанын (1997), «Калевала» финн эпос почеш постановкышто каласкалышын образышт лач тыгай улыт.
И.Смирновын мыскараланыме мастарлыкшат ситышынак. Илышыште весела кумылжо, тудым сценыште кучылт моштымыжо аклаш лийдыме. М.Рыбаковын «Онарын кердыже» пьесыж почеш спектакльыште Ияигын (1989) да «Тӱрлемӱдырыштӧ» Йогорын (1991), Селифонын (А.Волков, «Оръеҥ мелна», 1991), Вачукын (Л.Яндаков, «Пусаксолаште томаша», 1994), Карасийын да Таргылтыш игын (В.Пектеев, Ю.Байгуза, «Окса тул», 1994), Шумелевын (Н.Арбан, «Кеҥеж йӱд», 2000), Чузайын (Л.Яндаков, «Йӧратымаш? Йӧратымаш! Йӧратымаш...», 2002) да моло образыштат И.Смирнов комизмже путырак келшыше. Кусарыме спектакльлаштат актёр ӧрын ок шого: марий мыскара дене руш але вес калык гыч лекше геройжым кутырыкта: Сильва (А.Вампилов, «Кугэрге», 1990), Микеле да Эмилио (Э.де Филиппо да молат, «Калтатше ярас, калтак, але Страсти по-итальянски» 1996), Ярасим (Г.Каюм, «Туларте мыйым, шеремет», 1998) Метрий (Ш.Башбеков, «Кум кечылан у кува», 2003) да молат.
Келге драматизм, психологий дене ойыртемалтыт И.Смирновын марий классик-влакын пьесышт почеш шындыме спектакльласе геройжо-влакат: Епсей (С.Чавайн, «Мӱкш отар», 1998), Тихон (М.Шкетан, «Сардай», 1993), Осып (М.Шкетан, «Ачийжат-авийжат», 1998), комиссар Ванька (А.Пудинын М.Шкетанын «Эреҥер» романже почеш ямдылыме тыгаяк лӱман пьесыже, 1998), Эчук, Акпай Полат, Ози Кузи (С.Николаев, «Салика», 1998/ мут толмашеш палемдена: актёрын театрыште пашам ыштыме жапыште тиде спектакльым кум гана шындыме).
1994 ийыште И.Смирнов А.Миронов лӱмеш «Драматический театр-влакын артистышт мурат» I Всероссийский конкурсышто (Нижний Новгород) мастарлыкшым терген да удан огыл.
1995 ийыште И.Смирновлан «Марий Эл Республикын заслуженный артистше», а 1999 ийыште «Марий Эл Республикын калык артистше» почётан лӱмым пуымо.
1997 ийыште И.Смирнов Йыван Кырла лӱмеш республика кӱкшытан театр премийын «Эн сай пӧръеҥ роль» номинацийыштыже поэт да актёр  Йыван Кырлан образшым чоҥымылан (А.Пудин, «Ой, луй модеш», 1996) лауреат лӱмым сеҥен налын. Тиде пашажым тыгак Финн-угор калык театр-влакын III тўнямбал фестивальыштын жюрижат кӱкшын аклен.  2001 да 2004 ийлаште актёр Йыван кырла лӱмеш премийын «Кокымшо планан эн сай пӧръеҥ роль» номинацийыштыже Н.Арбанын «Кеҥеж йӱд» пьесыж почеш ямдылыме мюзиклыште Шумелевын (2000) да А.Островскийын «Чодыра» комедийже почеш шындыме спектакльыште Восмибратовын рольыштым модмылан лауреат лийын.
2000 ийыште Театрын тÿнямбал кечыже лÿмеш Марий Эл Республикыште ФСБ управленийын начальникше Н. Долгополов Марий Эл Республикын калык артистше Иван Смирновлан именной шагатым кучыктен.
А. Волковын пьесыж почеш шындыме «Каче-влак» спектакльыште Андрин рольжым модмылан 2006 ийыште «Йошкар-Ола театральный» фестивальыште «Эн сай эпизод» номинацийыште Йыван кырла лÿмеш театральный премийым пуымо.
Башкортостан Республикысе Мишкан район администрацийын тÿвыра пöлкаже марий культур поянлыкым арален кодымашке да шарымашке, регион кокласе кылым вияҥдымашке кугу надырым пыштымылан Россий Федерацийын сулло артистше, Марий Элын калык артистше Иван Смирновлан шÿм гыч лекше кугу Таум каласен. Палемден: «Башкортостанын Российыш шке умылын ушнымыжлан 450 ий, Российысе марий калыкын икымше погынжылан 90 ий темме лÿм дене эртарыме пайрем-влак, мемнан кылнам пеҥгыдемдаш, икте-весылан эҥертен, ваш полшен илаш туныктат. Иван Викентьевич! Таза лийза. Ваш келшымашна Тыланда вийым, у творческий шÿлышым ешарыже да эше кÿкшырак пашалектышым кондыжо. Илышдам ыҥгайлык, савырлык, умылымаш да пиал вÿдыжö».
Эстрада искусствышто исполнитель мастарлыкым шуарымашке надырым пыштымылан, Палантай лÿмеш Культура да искусство республиканский колледжын «Эстрадын музыкальный искусствыжо» отделенийжын 10 ияш юбилейже лÿмеш «Йошкар-Ола» округын Главаже Л. Ожиганов «Йошкар-Ола» округын депутатше-влакын погынымашышт да тыгак шке лÿмжö дене И.СмирновланТауштымо серышым кучыктен. Палемден: «Шке пашада да усталыкда дене Те республикын да элын культура да искусство аланыштышт самырык тукымым воспитатлымашке да туныктымашке кугу надырым пыштеда».
2007-2008 ийысе тургымым иктешлыме лÿмеш театральный искусствым вияҥдымашке надыржылан И.Смирнов Марий Эл Республикын культура, печать да национальность-влак паша министерствыжында Российысе театр пашаеҥ-влакын ушемыштын Марий региональный отделенийжын дипломжо дене палемдалтын.
У Торъял кундемым чапландарымылан да творческий пашажлан 25 ий темме лÿмеш И. Смирновлан У Торъял землячествын председательже В. Наумов  Тауштымо серышым кучыктен.
М.Шкетан лÿмеш Марий кугыжаныш театрын артистше, Россий Федерацийын сулло артистше, Марий Элын калык артистше Иван Смирнов шуко ий пашам тыршен ыштымыжлан, Марий Эл Республикын театральный искусствыжым да культурыжым вияҥдымашке кугу надырым пыштымыжлан Марий Эл Республикын Кугыжаныш Погынжын Почётан грамотыж дене палемдалтын. 

2007 ийыште Иван Смирновлан "Россий Федерацийын сулло артистше" почётан лӱмым пуымо.

Илышыже да творчествыже нерген возеныт:
Крылов В. Мурышто – кумыл // Саман. 1989. № 1. С. 64-67.
Кульбаева Н. Самырык артист-влак // Марий коммуна. 1990. 29 ноябрь.
Очеев В. Артист Иван Смирнов // Кугарня. 1992. 27 март.
Белкова С. «Пиалан улам – сценыште модам» // Марий Эл. 1994. 18 июнь.
Мягкова И. Там, где танцуют падеграс... //Независимая газета. 1994. 26 мая – 1 июня.
Регеж-Горохов В. Сценыште «Морко сем»: Артист шке пашаж нерген // Кугарня. 1995. 1 декабрь.
Белкова С. Тора Торъялын уста эргыже //Марий Эл. 1995. 16 декабрь.
Сорокина М. Кырля... //Театральная жизнь. 1996. № 8. С. 21-23.
Ятманов Л. Актёр играет актёра // Молодёжный курьер. 1996. 28 марта.
Велижева Н. Театр сегодня и всегда //Марийская правда. 1996. 14 мая.
Камалетдинова Л. «Кӧ шонен, рвезе жап эрта манын, рвезе годым чыла курымаш...» // Марий Эл. 1998. 20 май.
Ятманов Л. «Пусть будет больше хороших, добрых ролей» // Марийская правда. 1998. 28 февраль.
Ябердина И. Марий Элын артистше-влак: Иван Викентьевич Смирнов // Ончыко. 2000. № 11. С. 87.
Григорьев Ю. Агытанланаш ом йӧрате, «Агытан» мурым веле мурем» // Марий Эл. 2002. 12 декабря.
Смирнов Иван Викентьевич // Кто есть кто в Марий Эл. Йошкар-Ола, 2002. С. 484.
Семёнова С. «Мый ондак актёр, а вара мурызо улам»,- манеш Иван Смирнов //Кугарня. 2004. 30 январь.

 Белкова С. Эчук, Полат Акпай, Ози Кузи // Марий Эл 2011 ий 14 апрель 

 

 

 

Афише

2 декабрьыште /кг/ - 
Сӧсна поминка
18.00 шагатлан 
Билетым налаш 

4 декабрьыште /рш/ - 
Премьера
Эргымлан кузык
16.00 шагатлан 
Билетым налаш 

6 декабрьыште /кш/ -
В некотором царстве
11.00 шагатлан 
Билетым налаш   

10 декабрьыште /шм/ -
Премьера
Осал чоялык да йöратымаш
16.00 шагатлан
Билетым налаш  

11 декабрьыште /рш/ -
Лесная сказка
11.00 шагатлан 
Билетым налаш   

17 декабрьыште /шм/ -
Юмынӱдыр
16.00 шагатлан
Билетым налаш  

18 декабрьыште /рш/ -
Большое сердце маленького Хрю
14.00 шагатлан 
Билетым налаш  

25 декабрьыште /рш/ -
Большое сердце маленького Хрю
10.00 шагатлан - билетым налаш  
14.00 шагатлан - билетым налаш  
 
29 декабрьыште /из/ - 
У Ий пайрем концерт
18.00 шагатлан 
Билетым налаш  

У ий дене!

3 январьыште /кш/ -
Йöратымаш да кöгöрчен-влак
16.00 шагатлан
Билетым налаш  

4 январьыште /вр/ -
Алиса, Анфиса, Аниса
16.00 шагатлан
Билетым налаш 

5 январьыште /из/ -
Эх, кушто ӱдырым муаш?..
16.00 шагатлан
Билетым налаш

7 январьыште /шм/ -
Поро пошкудо - пел кудо
16.00 шагатлан
Билетым налаш 

8 январьыште /рш/ -
Ойырледа? Огына ойырло!
15.00 шагатлан
Билетым налаш 

22 январьыште /рш/ -
Пысман корем
15.00 шагатлан
Билетым налаш 

27 январьыште /кг/ - 
Марий Элын калык арт., РФ-н сулло арт.
Иван Смирновын 
концертше
18.00 шагатлан 
Билетым налаш  

31 январьыште /кш/ -
Кресӱдыр
18.00 шагатлан
Билетым налаш  

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  45-16-04, 78-13-78 (касса),
тыгак
89371131952 (Алиса),
89278843375 (Елена) 
34-33-75 (Татьяна)
телефон-влак дене бронироватлаш лиеш.

Виртуальный тур

Йоднеда? Йодса

Те театрын кеч-кудо пашаеҥжылан йодышдам пуэн кертыда, но тыгодым кӧлан йодышым пуынеда – ончыкташ ида мондо. Йодышдам тудлан ончыктена.

Нажмите на изображение, чтобы его изменить

Тенийлан лӱмгече

 
20 октябрьыште
Марий АССР-ын сулло арт.
(1926-1982) -
90 ий 
 
13 ноябрьыште
Марий АССР-ын калык арт.
(1931-2007) -
85 ий 
 
 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)