Сергеев Анатолий Аркадьевич
Морко район, Руш Родо ялыште 1959 ий 28 июльышто шочын.
Тÿҥалтыш школым шочмо ялыштыжак тунем пытарен, а кыдалаш образованийым Морко посёлкышто налын. Тыштак музыкальный школышто, баян классыште тунемын. Кызытат тудо порын гына шарна икымше туныктышыжо-влак Л.М.Ишмановам да А.Р.Вадимовым. Толя -  вич йоча коклаште икымше икшыве, сандене дыр ушыштыжат ик шонымаш шочын: музыклан шкендын яра жапымат ойыраш лиеш, а пашам еш кÿлешлан техника дене кылдалтшым кычалман. Но молан тораш каяш, вет Моркышто СПТУ уло. Но ачаже механизаторлан тунемаш колташ тореш лийын. Тыге эрге Йошкар-Оласе Палантай лÿмеш музыкальный училищыш тунемаш толеш, конкурсым эртен, калык инструмент отделенийыш тунемаш пура. Училищыште тунеммыж годымак Марий театрыш шокташ коштын. Кунам пашашке шогалме шотышто шеледымаш лийын, тудын шотышто кокытеланымаш лийын: театрын тÿҥ режиссёржо С.С.Кириллова самырык специалистым шкеж дек налнеже, а тудым «Марий Эл» куштышо да мурышо ансамбльыш темлат. Рвезе, шуко шонкалыде, шочмо кундемышкыже пöртылеш. Тыге кок ий Морко культур полатыште баянист-аккомпаниатор семын ышта. Но тудым училищыште пырля тунемше йолташыже Юрий Осипов театрыш алгаштара. Тыге 1984 ий гыч таче кече марте тыштак ышта.
Анатолий Аркадьевич сценышке шукыж годым баян дене лектын гын, кызыт чÿчкыдынак массовкышто ужаш лиеш. Кутыралтенат колта, тавалтенат налеш, а кушто кÿлеш гын, уэш йöратыме инструментшым ужаш лиеш. Молан шÿмаҥынат, тудын деч посна йокрок.
— Ончыч мый, музыкальный училищым тунем пытарыше, куштылгынрак шонкаленам,— шарналта Анатолий.— Нотым палет, шоктен моштет, театрыште эше мо кÿлеш.
Но икана артист Юрий Алексеев каласен: «Толя, спортсмен эре тренироватлалтеш. Тыят шкендым кÿшнö кучынет гын, баянетым кажне кечын шокто. Адакшым сценышке лекше ончышо еҥын кумылжым шинчаончалтышыже, шкенжым кузе кучен моштымыж денат савырышаш».
Анатолий Сергеев, ÿмыр лугыч лийше артист-влакым, Г.Копцевым, Г.Васильевым, порын гына шарна:
— Геннадий Романович мыйым сценылан сымыстарыше манын кертам, шкежат тудын модмыжым йöратен онченам, а Геннадий Васильев, тудын дене иктаҥашрак улына ыле, концерт пашаште сай организатор лийын. Изирак группым поген, кушто гына лийме огыл! Теве тыгай еҥ-влак кызыт театрлан огыт сите.
Президент интернат-школышто концертмейстерлан, баян дене шокташ туныктышылан пашам ыштен.
Кызыт театрыште веле огыл, тыгак Палантай лÿмеш Культура да искусство колледжыште концертмейстерлан пашам ышта.
Кужу жап кыртмен тыршымыжым театрым вуйлатыше-влак эреак премий да таумут дене палемдат, 1999 ийыште А.Сергеевлан Марий Элын Культура министерствыжын Почетан грамотыжым кучыктымо.
 

Афише

16 июньышто /кг/ -
Йӧратымаш? Йӧратымаш! Йӧратымаш... /12+/
18.00 шагатлан
Билетым кассыште налман

 

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  78-13-78 (касса)
телефон дене бронироватлаш лиеш.

Виртуальный тур

Задай свой вопрос!

Click on the image to change it

Тенийлан лӱмгече


23 апрельыште
МАССР искусствын сулло деятельже,
Марий Элын калык арт.
(1932-2009) -
85 ий 
 
12 августышто
Марий АССР-ын сулло арт.
(1927-1961) -
90 ий 

 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)