Мочалова Елена Геннадьевна
Мочалова Елена Геннадьевна 1976 ийыште Совесткий район, Шўдысола ялыште шочын. Москваште М.С.Щепкин лÿмеш Кÿшыл театральный училищым (институтым) тунем пытарыме деч вара 1998 ий годсек М.Шкетан лÿмеш Марий кугыжаныш драме театрыште пашам ышта.
Профессиональный сценыште икымше ошкылым ыштыме гычак шке усталыкшым да мастарлыкшым тÿрыс почын ончыктен. Ж.Б.Мольерын «Тартюфшо» почеш «Помыш кишке» спектакльыште Е.Мочалова служанка Доринан рольжым моткоч мастарын ыштен: тудын койышыжым моткоч сайын рашемден. Актрисым лачак тиде роль кумда корныш «тулартен».
М.Шкетанын «Ачийжат-авийжат» спектакльыштат Ведесан образшым Е.Мочалова оҥайын сєрастарен. Тиде рольым тудо театрыште икымше ий пашам ыштыме годымак модын. Варажым, мутат уке, актрисан репертуарже моло роль дене пойдаралтын. А.Пудинын «Эреҥер» пьесыж почеш спектакльыште туныктышо Клавдия Ивановнан образшым чоҥышыла, Е.Мочалова усталыкшым да мастарлыкшым комдык почын ончыктен – тыште героиньыжын тÿрлö амал дене чон йўлымыжö, койыш-шоктышыжо, кажнын верч тургыжланымыже раш почылтыныт.
Елена Мочалован Очийже (С.Чавайн, «Окса тул»), Катяже (Н.Арбан, «Кеҥеж йÿд»), Таисияже (А.Волков, «Оръеҥ мелна»), Ноножо (Л.Пиранделло, «Айдеме, янлык да чон яндарлык») да молат сай шарнымашым коденыт.
Комедийлаштат Е.Мочалова чон пыштен модеш, тидлан кöрак тудо ончышым шкеж деке утыр сымыстара. Ш.Башбековын «Кум кечылан у кува» пьесыж почеш шындыме спектакльыште Аломатын рольжо кап-кыл лывыргылыкым, тÿрлö сем почеш сценыште шкем кучен моштымым, кÿлеш годым чурий чогашылым тарватыде шогымым йодеш – чыла тидыже Елена Геннадьевнан моткоч мастарын лектеш.
Зинаида Долгован «Полдыранат ош пеледышан» пьесыж почеш шындыме спектакльыште Шемÿдырын образшым актриса шкешотаным ыштен; мутат уке, тыште актрисылан кöргö вий-куат шагал огыл кÿлын.
В.Гуркинын «Саня, Ваня, с ними Римас» шÿлыкан комедийже почеш ямдылыме «Вучо, мане, пöртылам...» спектакльыште Е.Мочалова ялысе тыглай ÿдырамашын койыш-шоктышыштыжо тÿрлö шöрынжым рашемден кертын. Граждан сар гыч инвалид лийын пєртылшє марийжын ыштен кертдымыжлан кöра пелашыже сурт кöргысö чыла сомылым шке ÿмбакше налын, тыгодымак шÿжарже-влаклан йол ÿмбак шогалаш полша, пöръеҥ-влак дене иктöр пашам ышта, тыгай годым тудо пуйто вийдыме лийшаш ыле, но уке – мöҥгешла, ончыкылыклан ÿшан, шÿм-чонжын шокшыжо илыш вийым ешарат, сарыште сеҥымылан ÿшанен ила.
В.Абукаев-Эмгакын «Кайыккомбо кашта» драмыж почешат спектакльыште Сайнайын рольыштыжо актриса мастарлыкше дене ойыртемалтын: лÿддымö ÿдырын сарыште кредалмыжым раш ужына.
Чыла тыштыже, мутат уке, Е.Мочалован театрым йöратымыже, профессийым чон йодмыж почеш ойырен налмыже, пашалан кумылан улмыжо, кажне рольышто уым кычалаш тыршымыже кугун полшат.
2004 ийыште Мочалова Е.Г. Марий Эл Республикын Культура, печать да национальность-влак паша шотышто министерствыжын Почётан грамотыж дене палемдалтын.
2011 ийыште Театрын тÿнямбал кечынже Марий Эл Республикын Кугыжаныш Погынжо Елена Мочаловам Тауштыман серыш дене палемден.
 

Афише

16 июньышто /кг/ -
Йӧратымаш? Йӧратымаш! Йӧратымаш... /12+/
18.00 шагатлан
Билетым кассыште налман

 

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  78-13-78 (касса)
телефон дене бронироватлаш лиеш.

Виртуальный тур

Задай свой вопрос!

Click on the image to change it

Тенийлан лӱмгече


23 апрельыште
МАССР искусствын сулло деятельже,
Марий Элын калык арт.
(1932-2009) -
85 ий 
 
12 августышто
Марий АССР-ын сулло арт.
(1927-1961) -
90 ий 

 
 



 
 

Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)