Медикова Маргарита Егоровна

Российын сулло артисткыже (2005)
Марий Элын калык артисткыже (1999)
Йыван Кырла лÿ
меш театр премийын лауреатше (1998)
Марий Эл Республикын М.Шкетан лÿ
меш Кугыжаныш премийжын лауреатше (2009)

1963 ий 19 февральыште Шернур район, Шÿргыял ялыште шочын. 1980 ийыште Мустай кыдалаш школым тунем лекмеке, А.В.Луначарский лÿмеш Театр искусство кугыжаныш институтын актёр отделенийышкыже тунемаш пурен. III национальный студийым РСФСР-ын калык артистше П.О.Хомский вуйлатен. Ты вузышто шинчымашым погымеке да мастарлыкым шуарымеке, 1985 ийыште М.Шкетан лÿмеш Марий кугыжаныш драме театрыш пашаш толын.
М.Медикова тачысе кечын театрыште артист-влак коклаште вÿдышö актрисылан шотлалтеш, тÿрлö койыш-шоктышан образым чоҥен. Тыгодым кажне геройжын илышыже денак илен, манаш лиеш. Ятыр театральный критикын палемдымыж почеш, тачысе кечын М.Медикова гай артист Российыштыжат уке гаяк: тудо сценыште шкем кучымыжо, ончаш толшо кажне еҥым шкеж гаяк тургыжландарен кертме мастарлыкше дене ойыртемалтеш – ойгырен, уло йÿкын кычкырал колтымыж дене кажне зрительын чонжылан шу-уй чучын колта.
М.Медикован героиньыже-влак тыглай огытыл: нунын пÿрымашышт тÿрлö - амал уло гын, юарлат, весела улыт, куан дене кöвöлалт илат; а ойгым вашлиймеке, туткар годым йöршеш вашталтыт. Тидым теве Нюран (В.Розов, «Сÿан кечын», 1985), колхоз председатель Товашован (М.Рыбаков, «Оза вате», 1986), Раян (А.Пудин, «Анахорет-шамыч», 1989), Нюран (А.Пудин, «Пыжаш», 1990), Ӱдырамашын (Е.Семёнов, «Тойыде кодшо-влак», 1995), Ямбикан (В.Абукаев-Эмгак, «Ош кече йымалне», 2002) да молынат рольышт пеҥгыдемдат. Героиня-влакын койыш-шоктышыштышт социальный да психологический велыштым почын пуышыла, актриса яндар чонан улмыштым да ончыкылык илышлан ÿшаным пуышо койышыштым раш почын пуа. К.Коршуновын «Пÿрыдымö пÿрымаш» драмыштыже Лизан образшым моткоч мастарын чоҥымыжлан (спектакль 1997 ийыште шындалтын) Маргарита Егоровна Медиковам 1998 ийыште Йыван Кырла лÿмеш театр премий дене палемдалтын.
М.Медикова комедийыштат чапле образ-влакым устан чоҥа. Руш ма тÿнямбал классик-влакын произведенийлашт почеш ямдылыме спектакльлаште уло чонжымак пыштен модеш. Кö ужын актрисым Мариян (В.Шекспир, «Латкокымшо йÿд», 1987), тулаче Фекла Ивановнан (Н.Гоголь, «Каче пазар», 1994), Наталья Степановнан да Татьяна Алексеевнан (А.Чехов, «Маска юбилей», 1993), Ничкинан да Лебедкинан (А.Островский, «Мом кычалат, тудымак муат», 2000; «Вараш кодшо йöратымаш», 2000) да моло рольыштат, тидым сайын пала.
С.Николаевын «Саликаж» почеш шындыме музыкальный комедийыште М.Медикован Маринаже (1988) нигунамат вуйым ок саке, чыла шотыштат йöным муын мошта, а Эчан ватыжым  (1999 да 2004) ондакысе актриса-влакын модмышт деч эшеат сылнештарен.
Тудын ятыр образыштыже пÿшкылмö койышат, мыскарат палдырнат. Тыгай улыт, мутлан, Лаикаже (М.Рыбаков, «Тÿрлемÿдыр», 1991), Таисаже (А.Волков, «Оръеҥ мелна», 1991), Озаже (Ю.Байгуза, В.Пектеев, «Шöртньö лудо», 2002) да молат.
Комедийлаште актриса шкенжын усталыкшым, геройын койыш-шоктышыжым почын пуаш чыла йöнымат кучылтеш: Макарская (А.Вампилов, «Кугэрге», 1990), Лаура ден Клара (Э.де Филиппо, Т.Гуэрра да Л.Ласко «Калтатше ярас, калтак, але Страсти по-итальянски», 1996), Катерий (Ф.Крец, «Роза-Розмарий», 2003) да молат.
Актрисан творческий поянлякыштыже Логин кувамат (Л.Яндаков, «Тулык ава», 1989), Нени кувамат (М.Шкетан, «Ачийжат-авийжат», 1998) ончыктыде ок лий. «Йошкар-Ола театральный» республиканский фестивальыште (1995) М.Медикова эпизодический рольым эн сайын модмылан посна приз дене палемдалтын. Тунам С.Чавайнын произведенийже почеш В.Пектеевын да Ю.Байгузан  ямдылыме «Окса тул» спектакльыште шоҥгым (1994) модын.
«Калевала» финн эпосышто Лоухин, Похъелан рольыштым модмыжым кÿкшын аклыме. Спектакльым шындыше Пааво Лиски (Финляндий гыч режиссёр) актриса нерген тыге ойлен: «Маргарита Медикова – тÿнямбал кÿкшытан актриса. Йўкшö моткоч сылне, кап-кылже денат сöрал, койыш-шоктышым кÿчык жапыште вашталтен кертше».

2004-2005 ийласе театр тургымышто М.Медикова З.Долгован пьесын почеш шындыме «Пысман корем» спектакльыште Чачин образшым мастарын чоҥымылан «Эн сай ӱдырамаш роль» номинацийыште М.Шкетан лӱмеш театрын грамотыж дене палемдалтын. А 2005-2006 ийласе театр тургымышто В. Розовын «Сӱан кечын» спектакльыште Алевтина Петровнан рольжылан «Кокымшо радаман эн сай ӱдырамаш роль» номинацийыште дипломым сеҥен налын.
2008 ийыште М.Медикова Йошкар-Оласе школлаште тунемше-влак коклаште эртаралтше «Чавайн лудмаш» поэзий да проза оласе конкурслан сеҥышым ямдылен да тыгак жюриште талын пашам ыштен. Тидлан «Йошкар-Ола округын» администрацийжын образований управленийже таумутым увертарен.  Тиде ийынак театр искусствым вияҥден колтымашке кугу надырым пыштымылан да кӱкшӧ профессионализмлан Марий Эл Республикын Кугыжаныш Погынжо Чап грамота дене палемден.
2008 ийыштак 18 гыч 24 ноябрь марте Йошкар-Олаште Финн-угор калык-влакын театрыштын VII тунямбал фестивальышт эртен. М.Шкетан лӱмеш Марий кугыжаныш драме театр тыште Ф.Буляковын пьесыж почеш шындыме «Эрта ӱмырем, кодеш кумылем» спектакльым ончыктен. Ты постановкышто М.Медикова Шоҥго куван рольжым модын. Тудын пашажым жюри «Эн сай ӱдырамаш роль» номинацийыште кӱкшын аклен да  диплом дене палемден.
Тиде ийынак М.Медикова М.Шкетанын пьесыж пчеш шындыме «Ачийжат-авийжат» спектакльыште Нени куван образшым чонен. Тиде пашат палемдалтде кодын огыл: 2009 ийыште Марий Эл Республикын Кугыжаныш премийжым пуымо.
2009 ийыште М.Медикова театр деч посна эше «Йоча да молодёжь творчество полатыште» ешартыш образований дене педагоглан тыршен. Йошкар-Олаште Совет Ушем Герой, Ленин премийын лауреатше Муса Джалильын шочмыжлан пӧлеклалтше татар поэзий конкурсышто Маргарита Егоровнан тунемшыже-влак призёр лийыныт.
2010 ийыште, 90-шо театр тургымышто, Маргарита Медикова театрысе актёр-влак коклаште «Сценын Мисс Королеваже» номинацийыште сеҥышыш лектын да диплом дене палемдалтын.
Ик ий гыч тудо Йыван Кырла лӱмеш театр премийым сеҥен налын. Тудым тыге кӱкшын В.Абукаев-Эмгакын пьесыж почеш шындыме «Кайыккомбо кашта» спектакльыште Сайнайын рольжым чоҥымылан акленыт. Тиде ийынак театрын актержо-влак коклаште «Талукын эн сай артистше» номинацийыште сеҥышыш лектын да 1 степенян диплом дене палемдалтын.
 


Тудын илышыже да пашаже нерген возеныт:
Константинова Г. Чудеса бывают только в театре // Молодой коммунист. 1988. 20 апр.
Регеж-Горохов В. «Мый пиалан улам» // Марий Эл.  1992. 10 март.
Белкова С. Чап лÿмым чапле паша конда // Марий Эл. 1995. 11 нояб.
Ефимова Н. А звездный час впереди... // Марийская правда. 1995. 6 дек.
Константинова Г. Сыгранная сердцем // Марийская правда. 1998. 27 марта.
Медикова М. «Пÿтынь илышем лач сцена ден кылдем» // Шернур вел. 1999. 12 февр.
Михайлов Ю. Марий театрыште — угыч «Калевала» // Марий Эл. 1999. 26 февр.
Велижева Н. Пааво Лиски: «Талант актеров бросается в глаза» // Марийская правда. 1999.  27 марта.
Любимые народом народные артисты // Йошкар-Ола.  1999.  9 дек.
Ябердина И. Пашатым йöратет — чонетланат куштылго // Кугарня.  2000. 24 нояб.
Ябердина И. Марий Элын артистше-влак: Маргарита Егоровна Медикова // Ончыко. 2000. № 11. С. 86—87.
Медикова Маргарита Егоровна // Кто есть кто в Марий Эл. Йошкар-Ола, 2002. С. 351.
Григорьев Ю. Рольым пуат  — куан. Но тудым чон пыштен модман // Марий Эл. 2003. 15 нояб.

РФ-н сулло артисткыже, Марий Элын калык артисткыже Маргарита Медикован "30 ий модам, шортам да воштылам..." усталык касше гыч фото:

  

 

Афише

2 декабрьыште /кг/ - 
Сӧсна поминка
18.00 шагатлан 
Билетым налаш 

4 декабрьыште /рш/ - 
Премьера
Эргымлан кузык
16.00 шагатлан 
Билетым налаш 

6 декабрьыште /кш/ -
В некотором царстве
11.00 шагатлан 
Билетым налаш   

10 декабрьыште /шм/ -
Премьера
Осал чоялык да йöратымаш
16.00 шагатлан
Билетым налаш  

11 декабрьыште /рш/ -
Лесная сказка
11.00 шагатлан 
Билетым налаш   

17 декабрьыште /шм/ -
Юмынӱдыр
16.00 шагатлан
Билетым налаш  

18 декабрьыште /рш/ -
Большое сердце маленького Хрю
14.00 шагатлан 
Билетым налаш  

25 декабрьыште /рш/ -
Большое сердце маленького Хрю
10.00 шагатлан - билетым налаш  
14.00 шагатлан - билетым налаш  
 
29 декабрьыште /из/ - 
У Ий пайрем концерт
18.00 шагатлан 
Билетым налаш  

У ий дене!

3 январьыште /кш/ -
Йöратымаш да кöгöрчен-влак
16.00 шагатлан
Билетым налаш  

4 январьыште /вр/ -
Алиса, Анфиса, Аниса
16.00 шагатлан
Билетым налаш 

5 январьыште /из/ -
Эх, кушто ӱдырым муаш?..
16.00 шагатлан
Билетым налаш

7 январьыште /шм/ -
Поро пошкудо - пел кудо
16.00 шагатлан
Билетым налаш 

8 январьыште /рш/ -
Ойырледа? Огына ойырло!
15.00 шагатлан
Билетым налаш 

22 январьыште /рш/ -
Пысман корем
15.00 шагатлан
Билетым налаш 

27 январьыште /кг/ - 
Марий Элын калык арт., РФ-н сулло арт.
Иван Смирновын 
концертше
18.00 шагатлан 
Билетым налаш  

31 январьыште /кш/ -
Кресӱдыр
18.00 шагатлан
Билетым налаш  

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  45-16-04, 78-13-78 (касса),
тыгак
89371131952 (Алиса),
89278843375 (Елена) 
34-33-75 (Татьяна)
телефон-влак дене бронироватлаш лиеш.

Виртуальный тур

Йоднеда? Йодса

Те театрын кеч-кудо пашаеҥжылан йодышдам пуэн кертыда, но тыгодым кӧлан йодышым пуынеда – ончыкташ ида мондо. Йодышдам тудлан ончыктена.

Нажмите на изображение, чтобы его изменить

Тенийлан лӱмгече

 
20 октябрьыште
Марий АССР-ын сулло арт.
(1926-1982) -
90 ий 
 
13 ноябрьыште
Марий АССР-ын калык арт.
(1931-2007) -
85 ий 
 
 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)