Кузьминых Олег Елизарович
Россий Федерацийын сулло артистше (2010)
Марий Эл Республикын калык артистше (1999)
Йыван Кырла лÿ
меш театр премийын лауреатше (1998)
Марий Эл Республикын М. Шкетан лÿмеш Кугыжаныш премийжын лауреатше (2007)

1962 ий 10 сентябрьыште У Торъял район, Чашкаял ялеш шочын.
1980 ийыште, Немда кыдалаш школым тунем пытарымеке, А.В.Луначарский лÿмеш Театр искусство кугыжаныш институтын актёр отделенийышкыже шинчымашым погаш каен. Ты курсым (III национальный студийым) РСФСР-ын калык артистше П.О.Хомский вуйлатен. Институтышто тунеммеке, 1985 ийыште Совет Армий радамыш налыныт. 1986 ий декабрьыште, салтак корным эртымек, М.Шкетан лÿмеш Марий кугыжаныш драме театрын турппышкыжо ушнен. 2001 ий сентябрь гыч 2002 ий октябрь марте «Марий Эл» кугыжаныш телерадиовещательный компанийыште пашам ыштен, вара уэш театрыш пöртылын да кызыт мартеат тыштак тырша.
О.Кузьминых – шуко шöрынан актёр, тудо драматический, тыгак комедийный рольымат мастарын моштышо, театрыште тачысе кечын вÿдышö артист-влак кокла гыч иктыже. Театрыште пашам ыштыме жапыште ыштыме рольжо-влак тудын профессионализмжым, усталык илышыште чылажымат пÿсын да раш шижын моштышо актёр. Спектакльласе герой-влакын койыш-шоктышыштым почын пуаш тудлан кажне геройын койыш-шоктышыжым умылен, тудын илышыжым ужын моштымыжо полшат. Йылмым палымыже, кажне шомакын мом ончыктымыжым рашемден кертмыже образ-влакым чоҥаш кумда йöным ыштат. Тыгак чоҥалтыныт Микалын (В.Распутин, «Пытартыш кече», 1987), Стапан Микалын (М.Рыбаков, «Морко сем», 1995), Алексейын (А.Пудин, «Анахорет-шамыч», 1989), Янгелдын (В.Абукаев-Эмгак, «Ош кече йымалне», 2002) да моло роль-влакат. 1998 ийыште К.Коршуновын драмыж почеш ямдылыме «Пÿрыдымö пÿрымаш» спектакльыште Микалын образшым мастарын почын пуымыжлан «Эн сай пöръеҥ роль» номинаций дене О.Кузьминыхлан Йыван Кырла лÿмеш театр премийым пуымо.
Классикыш савырныше автор-влакын произведенийлашт почеш шындыме спектакльлаштат О.Кузьминых шуко рольым модын: сэр Тоби (В.Шекспир, «Латкокымшо йÿд», 1987), Октав (Мольер, «Чоя скпен», 1995), Похъела деч каласкалыше (Калевала», 1997), трактирщик Джузеппе (Б.Шоу, «Пöръеҥ пиал», 2000) да молат. Руш классикыш пурыш комедийлаште герой-влакым почын пуаш актёр тÿрлö йоным кучылтеш. Теве моткоч оҥай улыт тудын Смирновшо ден Шипучинже (А.Чехов, «Маска юбилей», 1993), Кочкаревшо (Н.Гоголь, «Каче пазар», 1994), Карпше (А.Островский, Чодыра», 2003).
О.Кузьминыхын творчествыштыже кугу верым драматург-влакын пытартыш жапыште возымо комедийлаштыже роль-влак налыт: Бусыгин (А.Вампилов, «Кугэрге», 1990), Рвезе (Ю.Байгуза, «Кресÿдыр», 2000), Танила (Ф.-К.Крец, «Роза-Розмарий», 2003), Микайла (А.Попов, «Пÿрö пазар», 2004) да молат.
Актёрын мастарлыкше ден усталыкше национальный классический драматургийыште поснак кмдан  почылтын. С.Чавайнын произведенийлаже почеш шындыме «Окса тул» (1994) водевильыште, С.Николаевын «Саликаж» почеш шындыме спектакльыште Чопайын (1988 да 2004), Н.Арбанын «Кеҥеж йÿдыштыжö» Алгаевын рольыштышт О.Кузьминых калык мыскарам палымыжым, шкенжынат мыскарам ыштыл моштымыжым раш почын ончыктен. Илыш-йўлам палымыже, тудын чыла шöрынжым умылен моштымыжо С.Чавайнын «Мÿкш отарже» почеш шындыме спектакльыште Мичин (1998), М.Шкетанын «Ачийжат-авийжатыштыже» Осыпын (1998) да «Эреҥер» спектакльыште Каторган Сакарын рольыштышт сайын ужына.
Тыглай пашазе-влакым   (Миклай - В.Регеж-Горохов, «Шöртньö сÿан», 1992; Кугыза – Ю.Байгуза, В.Пектеев, «Шöртньö лудо», 2002 да молымат) модмыж годымат О.Кузьминых пашазе-влакын илышыштым раш почын пуа – тидыжлан тудын ялыште шочын кушмыжат, тыглай еҥ-влак коклаште илымыжат моткоч полшат.
Актёр мастарлыкым поген шуктымыжым, драматургий материалым философий могырым аклен моштымыжым марий сценыште эше моддымо паша-влакыште роль-шамычат пеҥгыдемдат: Ньога (А.Пудин, «Ой, луй модеш...», 1996), Эрай да Икте (Ю.Байгуза, «Поргем ÿмбалне ÿжара» (1998) да «Порсын лÿҥгалтыш» (1999).
1996 ийыште О.Кузьминыхлан «Марий Эл Республикын сулло артистше» почётан лÿмым пуымо. 1999 ийыште тудо «Марий Эл Республикын калык артистше» почётан лÿм дене палемдалтын, а 2010 ийыште  "Россий Федерацийын сулло артистше" почетан лÿмым пуымо.

Тудын илышыже да пашаже нерген возеныт:
Регеж-Горохов В. Самырык-влак ойлат  // Марий коммуна.  1987.  7 май.
Петухов Т. Порылык кушта чоным // Марий коммуна.  1991.  29 март.
Регеж-Горохов В. Палыме лийза: Олег Кузьминых // Марий Эл. 1993. 27 март.
Велижева Н. Театр сегодня и всегда // Марийская правда. 1996. 14 мая.
Ятманов Л. «Черный человек», который любит тишину // Йошкар-Ола. 1996.      23 мая.
Сорокина Н. Кырля... // Театральная жизнь. 1996. № 8. С. 21—23.
Иванова Л. Ончышо-влак улыт — артистат уло // Марий Эл. 1999. 4 февр.
Алексеев И. Артистын куанже — зал тич погынышо калык // Марий Эл. 1997. 30 дек.
Любимые народом народные артисты: Олег Кузьминых // Йошкар-Ола.  1999. 9 дек.
Григорьев Ю. «Ме спектакльысе геройын илышыже дене илена», — ойла Марий Элын калык артистше Олег Кузьминых  ) // Марий Эл. 2000. 11 нояб.
Осипов-Ярча В. Марий Элын артистше-влак: Олег Елизарович Кузьминых // Ончыко. 2000. №12. С. 84—85.
Константинова Г. Таланты — зрителям // Марийская правда. 2001. 22 февр.
Григорьев Ю. «Роль почеш рольым ыштет...»: Молан актер диктор пашаш куснен // Марий Эл. Йошкар-Ола, 2002. 8 февр.
Кузьминых Олег Елизарович // Кто есть кто в Марий Эл. Йошкар-Ола, 2002.         С. 298.

 

 

 

Афише

10 декабрьыште /шм/ -
Премьера
Осал чоялык да йöратымаш
16.00 шагатлан
Билетым налаш  

11 декабрьыште /рш/ -
Лесная сказка
11.00 шагатлан 
Билетым налаш   

17 декабрьыште /шм/ -
Юмынӱдыр
16.00 шагатлан
Билетым налаш  

18 декабрьыште /рш/ -
Большое сердце маленького Хрю
14.00 шагатлан 
Билетым налаш  

25 декабрьыште /рш/ -
Большое сердце маленького Хрю
10.00 шагатлан - билетым налаш  
14.00 шагатлан - билетым налаш  
17.00 шагатлан - билетым налаш
 
29 декабрьыште /из/ - 
У Ий пайрем концерт
18.00 шагатлан 
Билетым налаш  

У ий дене!

3 январьыште /кш/ -
Йöратымаш да кöгöрчен-влак
16.00 шагатлан
Билетым налаш  

4 январьыште /вр/ -
Алиса, Анфиса, Аниса
16.00 шагатлан
Билетым налаш 

5 январьыште /из/ -
Эх, кушто ӱдырым муаш?..
16.00 шагатлан
Билетым налаш

6 январьыште /кг/ -
Марий ёлко
Чоя рывыж
10.00 шагатлан
Билетым кассыште налман 

7 январьыште /шм/ -
Поро пошкудо - пел кудо
16.00 шагатлан
Билетым налаш 

8 январьыште /рш/ -
Ойырледа? Огына ойырло!
15.00 шагатлан
Билетым налаш 

22 январьыште /рш/ -
Пысман корем
15.00 шагатлан
Билетым налаш 

27 январьыште /кг/ - 
Марий Элын калык арт., РФ-н сулло арт.
Иван Смирновын 
концертше
18.00 шагатлан 
Билетым налаш  

31 январьыште /кш/ -
Кресӱдыр
18.00 шагатлан
Билетым налаш  

Театр касса 11.00 гыч 19.00 шаг. марте пашам ышта,

14.00 гыч 15.00 шаг. марте - кечывал каныш,
шочмын - каныш кече. 

Билетым  45-16-04, 78-13-78 (касса),
тыгак
89371131952 (Алиса),
89278843375 (Елена) 
34-33-75 (Татьяна)
телефон-влак дене бронироватлаш лиеш.

Виртуальный тур

Йоднеда? Йодса

Те театрын кеч-кудо пашаеҥжылан йодышдам пуэн кертыда, но тыгодым кӧлан йодышым пуынеда – ончыкташ ида мондо. Йодышдам тудлан ончыктена.

Нажмите на изображение, чтобы его изменить

Тенийлан лӱмгече

 
20 октябрьыште
Марий АССР-ын сулло арт.
(1926-1982) -
90 ий 
 
13 ноябрьыште
Марий АССР-ын калык арт.
(1931-2007) -
85 ий 
 
 




Если у Вас есть вопросы или предложения по поводу работы сайта, можете написать администратору: web@shketan.ru
MariRussian (CIS)English (United Kingdom)