Новости театра

Кызыт театрыште татар драматург Зульфат Хакимын пьесыж почеш «Ӱжында» лÿман музыкальный комедий ямдылалтеш. Тиде комедий тыглай айдеме-влакын илышышт нерген каласкала. Марий каныме пöрт гыч пöртылеш, пелашыжым вашлиеш, трук коклаштышт шем пырыс кудал эрта да йÿдлан аваж дек лектын кая. Шокшо пар дене ватыже унала палыме пöръеҥым ÿжаш шонен пышта, но тыгодым трук пелашыже пöртылеш...

29 сентябрьыште «ВИЙ-АР–МЕ» рок-опер дене театр 99-ше тургымым почын. Тиде кечын эрдене коллектив молгунамсе семынак М.Шкетанын чапкӱжӧ воктек пеледышым пыштен.

15 сентябрьыште М.Шкетан лӱмеш Марий драме театрын артистше-влак Шернур район Кукнур кундемыште лийыныт, калыклан концерт программым ончаш темленыт. Тудо тысе Кугу Пӱнчер ялын шочшыжо, Марий АССР-ын калык артистше Илья Россыгиным шарнымашлан пӧлеклалтын. 24 июльышто Илья Ивановичын шочмыжлан 100 ий темын.

Таче театрын пашаеҥже-влак М.Шкетанлан чапкӱ воктен пеледышым пыштеныт.

Театрын художественный вуйлатышыже В.А.Пектеев эртыше шочмын Усталык ушем-влакын полатышкышт погынышо-влакым у книгаже дене палдарен. Марла да рушла возымо «Мӱкш тӱня марий»/ «Человек из царства пчел» сборникыш киноповесть ден почеламут-влакым чумырымо. Ушештарена, 2010 ийыште Василий Александрович «Омо» почеламут сборникым савыктен луктын ыле.

Additional information