Адак у лӱм почылто

 Драматург-влакын черетан конкурсыштым иктешлыме
Ончыгече М.Шкетан лӱмеш Марий национальный театр черетан паша тургымжым почо. Тудым калык чытен-чытыде вучен. Вет тиде кастене драматург-влакын конкурсыштым иктешлышаш нерген ондакак увертарыме ыле.  Кӧмыт нуно улыт – сеҥыше-влак? Тиде йодыш автор-шамычын веле огыл, театр ден сылнымут илышым эскерыше-влакын чоныштымат чыгылтен.
Конкурсыш пурышо 26 пашам лудын пытарымеке,  жюри член-влак каҥашымашке эртыше кугарнян чумыргеныт ыле. Режиссер-влак О.Г.Иркабаев ден Р.Ю.Алексеев, литературовед Н.И.Кульбаева, журналист да поэт Г.П.Пирогов, актер О.Е.Кузьминых, журналист С.М.Белкова эн ончычак каҥашымашке лукташ кажныже ныл пьесым темленыт. Тиде радамыш чумыржо 15 паша логалын. Молан лачак тидым ойыреныт, а весым огыл – адакат кажныже шке шонымашыжым луктын ойлен. Теве тыге, ик ошкыл почеш весым ыштен, мучашлан ныл паша кодын. Мутат уке, тыгодым весым ӱшандараш тыршыме, ала-куштыжо ӱчашыме… Тидлан ӧрман огыл, тиде тыгак лийшаш.  Мыняр еҥ, тунар тӱрлӧ ончалтыш, тунар тӱрлӧ умылымаш, тунар тӱрлӧ шонымаш...  Тыгодым, каласыман, лачшымак темлыме паша-влакым каҥашыме, автор нерген ик шомакат лийын огыл. Ала-кудыжо, можыч, возышым пален але тогдаяш тӧчен. Но  йӱкын луктын ойлымо огыл. Верым палемдымеке, икмыняржын лӱмышт жюри член-влаклан почылто гын, кумшо вер дене палемдалтше «Ойырледа? Огына ойырло!» пашан авторжо Хома Радикулинын чын лӱмжӧ тугак палыдымак кодо.
Теве тудо кас толын шуо. М.Шкетан лӱмеш театрын директоржо Ю.П.Русанов, калыкым у тургым тӱҥалме дене саламлен, мутым Марий Эл правительство председательын алмаштышыже, культура, печать да национальность паша шотышто министр М.З.Васютинлан пуа.  Михаил Зиновьевич эн ончыч сценыш ӧрдыж кундемыште илыше да марий-влакым иктеш чумырен, калыкнан йӱлажым, культурыжым аралымаште тыршыше чолга мер пашаеҥ-влакым ӱжӧ да Тауштымо кагазым кучыктыш. Тыгай еҥже Екатеринбург гыч Р.П.Илеева, Санкт-Петербург гыч В.В.Соколов улыт ыле.
А вара драматург-влак конкурсышто сеҥыше-влак дене палдарыме церемоний тӱҥале. Михаил Зиновьевич псевдонимым ойла – нунын шеҥгелне шылше еҥ-влак сценыш кӱзат. Теве нуно кӧмыт улыт:
Нылымше вер – «Волгенче» драма. Ваштар – Юрий Соловьев.
Кумшо вер - «Ойырледа? Огына ойырло!» комедий - Хома Радикулин – Мария Илибаева.
Кокымшо вер – «Эҥыремышвот» драма – Онис Стапан –Валерий Григорьев.
Икымше вер – «Марпа» монодрама – Семок Зоя – Владимир Матвеев.
Теве у лӱмет лекте гын, лекте. Шке жапыштыже, шарналтеш, драматург-влакын конкурсыштак  Зинаида Долгова сеҥымыж дене ӧрыктарен ыле. Теве эше ик тыгай случай.
Владимир Матвеев - Марий Эл радио пашаеҥ, тыгак мурызо семын калыклан палыме.
- Шкемым драматургийыште терген ончаш лийым,- рашемдыш кӱчыкын тудо.- Ковамын илышыжлан эҥертен возалте «Марпа». Псевдоним семын палемдыме Семок Зоя – ковамын лӱмжӧ.
Конкурсыш пурышо пьеса-влак нерген радамлен каласкалыме материалым лишыл жапыште газетлан ямдылаш палемдалтеш.
А театрыште ты  кастене калык татар драматург И.Зайниевын «Люстра» пьесыж почеш шындыме «Поро пошкудо – пел кудо» комедийым ончен. Тудым режиссер Роман Алексеев шынден, марий йылмыш Мария Илибаева кусарен.

Светлана БЕЛКОВА.

М.Скобелевын фотожо.

«Марий Эл» газет 2011 ий 20 октябрь

 

 

affiche

21 января /cб/ -
Колобок /3+/
Начало в 11.00 
Купить билет 

22 января /вc/ -
Пысман корем / Овраг /12+/
Начало в 15.00
Купить билет 

27 января /пт/ - 
Большой концерт
засл. арт. РФ, нар. арт. РМЭ
Ивана Смирнова
 /6+/
Начало в 18.00 
Купить билет  

29 января /вс/ -
Малый зал
Большое сердце маленького Хрю /3+/
Начало в 11.00
Билеты в кассе театра

31 января /вт/ -
Кресӱдыр /Крестница /16+/
Начало в 18.00
Купить билет  

3 февраля /пт/ -
Салика /12+/
Начало в 18.00
Купить билет

4 февраля /сб/ -
Снегурушка /3+/
Начало в 11.00
Купить билет  

5 февраля /вс/ -
Малый зал
Кум кечылан у кува /Железная женщина /12+/
Начало в 15.00
Билеты в кассе театра

9 февраля /чт/ -
Монча кечын /Банный день /12+/
Начало в 18.00
Купить билет 

11 февраля /сб/ -
Йöратымашын юзо вийже /12+/
Концерт
Начало в 15.00

12 февраля /вс/ -
Кот Шараф и кошка Копошка /3+/
Начало в 11.00
Купить билет

19 февраля /вс/ -
Сöсна поминка /16+/
Начало в 15.00
Купить билет  

23 февраля /чт/ -
Ух, пöръеҥ-влак!.. /12+/
Концерт
Начало в 18.00

24 февраля /пт/ -
Малый зал
Большое сердце маленького Хрю /3+/
Начало в 11.00  

24 февраля /пт/ -
Морко сем /Моркинские напевы /12+/
Начало в 18.00
Купить билет   

25 февраля /сб/ -
Малый зал
Серебряный колокольчик /3+/
Начало в 11.00 

25 февраля /сб/ -
Оръеҥ мелна / Свадебные блины /16+/
Начало в 15.00
Купить билет 

26 февраля /вс/ -
Кугэрге /Старший сын /12+/
Начало в 15.00
Купить билет 

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Заказать билеты можно по тел. 
45-16-04, 78-13-78 (касса),
а также 
89371131952 (Алиса,
89278843375 (Елена).

Виртуальный тур

Ask your qwestion!

You can send question to any employee of the theater, and we will ask it.

Click on the image to change it

Anniversaries


17 января - 105 лет
нар. арт. МАССР, засл. арт. РСФСР
(1912-1982) 
 
31 января - 55 лет
нар. арт. РМЭ
 
 
11 февраля - 70 лет
нар. арт. РМЭ




If you have any questions, you can write us web@shketan.ru
MariRussian (CIS)English (United Kingdom)