«Ава шулдыр йымалне» каньылырак»

 

маныт артистлан тунемаш мийыше студент-влак Моско марий самырык ушем дене палыме лийме деч вара
Москваште але республика деч иктаж вес тора кундемыште марий-влакын пырля чумырген пашам ыштымыштым пален налмеке, куан кумыл лектеш. Тугеже нуно тӱшка калыкыште огыт йом, марий шӱлышанак кодыт манын шонаш лиеш. Адакшым кеч коклан да пырляшке чумыргымышт шканыштат пайдале. «Вашла ужын, икте-весе коклаште шочмо йылме дене пелештен колтымо дене ача-ава мландыш миен толмылак чучеш», - маныт нуно. Тыге куанен пелештымым кодшо гана элнан рӱдолашкыже мийыме годым Марий кундем гыч тений артистлан тунемаш кайыше ӱдыр-рвезе-влак деч колаш логале. Нунын дене Моско марий самырык ушемын чолга еҥже-влак вашлийыныт.
-Такше вашлийын-кутырымо дене серлагаш шонымо огыл - марий кочкыш пайремым ыштынена ыле. Но тидлан пӧлемым муын ышна керт. Садак чумыргышна, палыме лийна, чайым пырля подылна. Ынде чӱчкыдырак ужаш да иктаж оҥай касым пырля эртараш кутырен келшышна, - мане ушемын чолгаеҥже С.Мичеева.
А ты марте студент-влаклан кугу олаште, чынжымак, йокрок лийын. Тидыже нунын кутырмышт гыч поснак шижалте. «Моско марий ушемыште улшо-влак шкештат самырык улыт гынат, нунын дене кутырымо деч вара ача-ава дене мутым вашталтыме гай чучо. Вашлиймаште икте-весе дене палыме лийын, келшен илаш кӱлмым палемдыме», - маньыч тунемаш мийыше-влак. Ынде нуным шке икымше экзамен шотан сценыште модмашкышт чытен-чытыде вучат.
Вашлиймаш Москвасе «Ешартыш шинчымашым пуымо шотышто поликультурный рӱдер» кугыжаныш учрежденийыште эртен. Тыште моло калыкын дене пырля марий йылмымат тунемаш йӧн уло. Тыгай курсым Москваште илыше да пашам ыштыше С.Александрова вӱда.
Эдуард ИМАНАЕВ
С.Александрова, С.Мичеева, студент-влак А.Орлов, А.Смирнова, Моско марий самырык ушемын эше ик чолга еҥже А.Шабакова – чеверласымышт деч ончыч.
Авторын фотожо.


«Марий Эл», 2011 ий  4 октябрь

 

affiche

27 мая /сб/ -
Серебряный колокольчик
Начало в 11.00, 12.00
Билеты в кассе театра 

16 июня /пт/ -
Йӧратымаш? Йӧратымаш! Йӧратымаш... /Любовь? Любовь! Любовь... /12+/
Начало в 18.00
Билеты в кассе театра

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел. 
78-13-78 (касса).

Виртуальный тур

Задай свой вопрос!

Click on the image to change it

Anniversaries


23 апреля - 85 лет
засл. деятелю искусств МАССР,
нар. арт. РМЭ
(1932-2009) 
 
12 августа - 90 лет
засл. арт. МАССР
(1927-1961) 



 
 

If you have any questions, you can write us web@shketan.ru
MariRussian (CIS)English (United Kingdom)