Мемнан дене нунылан келшен

Правительство пӧртыштӧ Россий Федерацийыште Венгр да Эстон республика-влакын чрезвычайный ден полномочный посолышт Иштван Ийдярто ден Симму Тийк  дене пресс-конференций эртен.
Республикыште лийме графикышт нунын пеш шыгыр, шуко вере миен савырнаш кумылым ончыктеныт, сандене вашлиймашкат почешрак кодын толыныт. Эн ондак нуно Марий Элыште лиймышт, ужын коштмышт могай кумылым кодымо нерген каласкаленыт. Тӱҥ шотышто нунылан тыште келшен. Курык марийыште лиймышт поснак поро шонымашым коден. Тусо калыкын паша кумылыштым, национальный традицийым, йылмым, йӱлам арален кодаш тыршымыштым ойыренак палемдышт. «Арален кодымо – тиде сай, но тудым умбакыжат вияҥдаш кӱлеш, а тидыже тендан дене ышталтеш»,  - тыгайрак шонымашым луктын ойлышт.
- Ял озанлыкыште, образованийыште, культурышто, туризмым вияҥдымаште, кулинарийыштат (шижалтеш: нунылан Курык марийыште сийлыме чес келшен) изи огыл сеҥымашке шуында, шке вийдалан ӱшанен пашам ыштеда, тиде сай. Еҥ-влак пеҥгыдын йол ӱмбалне шогат,  могай ресурсда уло, тӱҥ шотышто лач тудланак эҥертыман, - манын Симму Тийк.
- Финн-угор калыкын илыме кундемлашке ме кажне ийын коштына, тений теве Марий Элыш толынна, - Иштван Ийдярто коллегыжым ешарен. – Эскерена: кузе родо-тукым калыкна-влак илат, могай сеҥымашышт, проблемышт уло. Кызыт национальный культурым, йылмым вияҥдаш йӧн ятыр уло, тидым ме тендан дене лиймына годымат ужна.
 Правительство председательын алмаштышыже, культура, печать да национальность паша шотышто министр М.Васютин посол-влаклан Марий Элыш толмыштлан тауштен ойлен.  Ондакат тыгай вашлиймаш-влак лиеденыт, ынде тудым умбакыже шуйымо. Уна-влакым рӱдола воктенысе огыл, республикын лӱмынак эн тора районышкыжо ончыкташ намиен коштыктеныт. Ужышт, аклышт:  тора кундемыште марий-влак кузе илат, могай шонымашан улыт.
 Вара журналист-влак йодышым пуэденыт. Жап шагалрак лийын гынат, тӱҥ вашмутым налын шуктеныт. Марий Эл ден Венгр Республика коклаште  тачысе кылым  кузе аклыме нерген йодышлан Иштван Ийдярто тыгерак вашештен:
- Тачысе кечын те, мутат уке,  Эстоний, Финляндий дене лишкырак улыда. Тусо университетлаште ӱдыр-рвезыда-влак шукынрак тунемыт. Но кызыт Россий ден Венгрий коклаште  кыл пеш сайын вияҥеш, сандене Марий Эл денат тыгак лиеш. Кызытшат тудо начаржак огыл.
Визит жапыште шагал огыл паша вашлиймаш-влак эртеныт. Ончыкыжым вашкылым вияҥдыме шотышто иктаж-мом раш мутланен келшыме мо?  Вашкыл культура, образований сферыште гына огыл, молыштат, поснак экономикыште, лийшаш, палемденыт уна-влак. Но мо нерген мутланымыштын чыла секретшымак почын пуэн огытыл.
 
*  *  *
Иштван Ийдярто, Симму Тийк М.Шкетан лӱмеш национальный театрыште марий интеллигенций дене вашлийыныт.  Тиде мутланымаш пайдалын эртен.
Вашлиймаште Марий Эл правительство председательын алмаштышыже,  культура, печать да национальность паша шотышто министр М.З.Васютин лийын.
Финн-угор эл-влакын чрезвычайный да полномочный посолышт дене шукертсекак пеҥгыде кыл ышталтын. Утларакше тидыже культура аланыште палдырна.
Йодышыжат тиде вашлиймаште тӱҥ шотышто тӱвыра денак кылдалтын ыле.
«Марий калыкын шочмо йылмыже культура аланыште сайын кучылталтмым ме пеш сайын шижна. Но кугыжаныш йылме, очыни, моло вереат вияҥшаш. Мутлан, экономикыште, юридический да моло сферыште», — каласыш Иштван Ийдярто.
 Эстонийын посолжынат рашемдышаш йодышыжо марий тӱвыра дене кылдалтын ыле. «Утларакше традиционный культурылан вер ойыралтеш. Но ме кугезе-влакын йӱлаштым арален кодымо дене гына серлагышаш огынал. Марий тӱвырат тачысе илышлан келшышын вияҥ толшаш», — каласыш тудо.
— Интеллигенций калыкын вияҥ толмаштыже кугу верым налеш. Марий калыкыштат тыгак лийшаш, — палемдышт тиде вашлиймашке толшо кугу уна-влак.
Л.Иванова, Ю.Григорьев.
Снимкыште: вашлиймаш годым венгр посол Иштван Ийдярто каласкала.
М.Скобелевын фотожо. 

"Марий Эл", 2011 ий 1 октябрь

 

affiche

3 мая /ср/ -
Ух, пӧръеҥ-влак! 
Концерт /12+/
Начало в 18.00
Купить билет 

12 мая /пт/ -
Юбилейный концерт 
Анатолия Николаева /12+/
Начало в 18.00
Купить билет 

18 мая /чт/ -
Премьера
Тулар ден тулаче /Сват и сваха /12+/
Начало в 18.00
Купить билет  

21 мая /вс/ -
Нар. арт. РМЭ Светлана Строганова: 
У меня сегодня день рождения
Концерт  /12+/
Начало в 15.00
Билеты в кассе театра

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел. 
78-13-78 (касса).

Виртуальный тур

Задай свой вопрос!

Click on the image to change it

Anniversaries


23 марта - 90 лет
засл. арт. МАССР, засл. арт. РСФСР
(1927-2014) 
 
23 апреля - 85 лет
засл. деятелю искусств МАССР,
нар. арт. РМЭ
(1932-2009) 



 
 

If you have any questions, you can write us web@shketan.ru
MariRussian (CIS)English (United Kingdom)