«Корныда ПИАЛАН лийже»

Тыгай шомак дене Марий Эл 20 рвезе ден ўдырым Москваш, М.С.Щепкин лўмеш кўшыл театр училищыш (институтыш), актерлан тунемаш ужатен

 Теве тудо жап толын шуын: элын рўдº олашкыже тунемаш пураш шонышо-влакым кугу комиссий ончен. Конкурсыш ушнышо 60 утла е гыч 10 ўдырым да 10 рвезым ойырен налын, «Актёр искусство» специальность дене тунемаш марий студийым погымо. Каласыман, ончыч студийыш 12 рвезым да 8 ўдырым налаш палемдыме ыле. Но илыш шке вашталтышыжым пуртен. Рвезе-влак шагалракын толыныт. Ойырен налме кокла гыч коктынжо эше ЕГЭ дене балл изирак улмылан кºра шокте вошт эртен огытыл. Каласыман, тунемаш налме рвезе-влак кокла гыч кугурак ужашыже Россий Армий радамыште службым эртен. Тидыже сай, вет нуно, дипломым налмеке, вигак сценыште пашам ышташ тў‰ал кертыт. Резерват уло.

Тыге кодшо шочмын М.Шкетан лўмеш национальный драма театрын воштончышан фойештыже театр коллектив, ача-ава-влак ден родо-тукымышт студент-влакым Москваш ужаташ погыненыт ыле. Калык ончыко радамын шогалше мотор марий вургеман ўдыр ден рвезе-влакын шинчаштышт изиш ºрмалгыме, тургыжланыме палдырна. Тидым умылаш лиеш. Вет нунын кокла гыч шукынжо ял гыч улыт. Волжский да Морко, Шернур да Параньга, Советский да У Торъял, Курык марий да Пошкырт кундемла гыч... Йошкар-Олашке толмо денат илышыштышт у йыжы тў‰алын. (Лудшылан тидымат палаш оай. Актёрлан тунемаш пурышо-влак коклаште лўмлº артист Геннадий Копцевын уныкаже, драматург Геннадий Гордеевын Эрвина ўдыржº, поэтесса Татьяна Пчёлкинан Мария ўдыржº улыт.) А корно эшеат торашке, элын рўдº олашкыже шумеш, шуйна. Тышечынже ужатат, а кузе вашлиеш Москва, мом тудо ямдылен тора кундем гыч улшо-влаклан, пурен кертыт мо шолын шогышо илыш йогыныш?.. Йодыш почеш йодыш.

Но театр вуйлатыше-влакын але марте ыштыме пашаштым ончен умылет: нине ўдыр-рвезе-влаклан, студент радамыш пурен, шинчымашым, мастарлыкым погаш сай йºн лиеш. А теве Россий Кугыжаныш Думын депутатше, Мер Каашым вуйлатыше Л.Н.Яковлева ты студийым шефствыш налаш сºрыш, мый тыланда кресавада улам манын палемдыш. Тидлан амалжат уло. Кўшыл театр училищыш марий студийым тунемаш налме пагытым 2014 ий гыч 2011 ийыш кусарыме шотышто лач Лариса Николаевна полшен. Тыгак тудын да Марий Эл правительство председательын алмаштышыже, культура, печать да национальность паша шотышто министр М.З.Васютинын полшымышт дене ўдыр-рвезе-влаклан у марий тувырым ямдылыме, йолчиемым налме.

- Тиде гана ме ўдыр-рвезе-влакым поезд дене огыл, а йºнан автобус дене колтена,- палемдыш Марий кугыжаныш драма театрын директоржо Ю.П.Русанов.- Нуным Роман Юрьевич Алексеев ужатен кая, тўшкагудыш вераден, училищым ончыктен кода. Вет тудо латкок ий ончыч шкежат тиде училищым пытарен, тушто чылажат палыме да лишыл.

Ончыкылык актер-влакын тўшкан сниматлалтмышт деч вара иктыж дене шомакым вашталтышым. Манмыла, кº шинчашкем перныш, тудым ойырен нальым. Тиде У Торъял район, Немда ял гыч Иван Соловьев ыле. Кугу капан тиде рвезат шкем ºрмалгышын куча. Тиде, очыни, илышыштыже икымше интервью. Йодышлан кўчыкын вашешта. Шомакше гыч теве мо рашеме. Ваня тений школым тунем пытарен. Артистлан тунемаш кайыме нерген ушыштыжат лийын огыл. Но шошо велеш школыш Василий Домрачев ден Роман Алексеев миеныт, ончыкылык абитуриентым кычалме шот дене. Василийын, палена, тиде шочмо кундемже. Усталыкым тергыме годым Ваня нунылан келшен.

- Йошкар-Олашке толмек, комиссий ончылно «Шыа» басньым, «Ший памаш» басньым лудынам, гитара дене шоктен, «Юмын ўдырым» муренам,- ойла рвезе.

- Ванюш изинек мурен-куштен, шке гычак гитара дене шокташ тунемын, мурымат возаш кумылаын,- рашемдаш полша йодышем-влакым Ванян аважын шўжарже, марий культура аланыште палыме е Мария Таникеева.- Ваня актерлан тунемаш каяш вигакше кºнен огыл, но комиссийыште ончымек, каласеныт: тый мемнан улат, нигушкат огына колто.

- Ваня такше чолга рвезе, школышто сайын тунемын, сандене ончыкыжо чылажат сай лиеш манын ўшанена,- ойла ужаташ толшо Станислав изаже. Ванян Инна акажат тыштак улмаш.

Ваня Соловьев семынак моло ўдыр ден рвезе воктенат лишыл родо-тукымышт пºрдыныт.

Марий театр – калыкын чонжо, рўдыжº, ушышо верже. Тушто пашам ышташ – чап. Сандене таче ужатыме марий ўдыр ден Рвезе-влакат, кыртмен тунемын. келге шинчымашым поген да мастарлыкым шуарен пºртылыт манын, чытен-чытыде вучаш тў‰алына. Нунылан чылаштланат эше ик гана каласена: корныда пиалан лийже.

 Снимкыште: М.С.Щепкин лўмеш театр училицыш тунемаш кайыше ўдыр-рвезе-влак Марий Эл правительство председательын алмаштышыже, культура, печать да национальность паша шотышто министр М.З.Васютин, М.Шкетан лўмеш Марий кугыжаныш драме театрын тў‰ режиссержо Р.Ю.Алексеев да театрын директоржо Ю.П.Русанов дене пырля.

 

Светлана БЕЛКОВА.

«Марий Эл» газет, 2011 ий 31 август

 

 


 

 

 

affiche

22 марта /ср/ -
Премьера
Осал чоялык да йöратымаш /Коварство и любовь /12+/
Начало в 18.00
Купить билет 

24 марта /пт/ -
В рамках фестиваля "Йошкар-Ола театральная"
Премьера
Эргымлан кузык /Приданое для сына /12+/
Начало в 18.00
Купить билет 

25 марта /сб/ -
В рамках фестиваля "Йошкар-Ола театральная"
Горномарийский театр
Оръеҥ мелна/ Свадебные блины /12+/
Начало в 15.00
Билеты в кассе театра  

26 марта /вс/ -
В некотором царстве /6+/
Начало в 11.00
Купить билет  

26 марта /вс/ -
Звёзды марийской эстрады  /12+/
Концерт
Начало в 15.00
Купить билет 

28 марта /вт/ -
Малый зал
Премьера
Цилиндр /16+/
Начало в 18.00
Билеты в кассе театра

30 марта /чт/ -
Айдеме йöратымаш /Любовь людей /18+/
Начало в 18.00
Купить билет  

2 апреля /вс/ -
Ойырледа? Огына ойырло! /Развод по-марийски /16+/
Начало в 15.00
Купить билет  

4 апреля /вт/ -
Салика /12+/
Начало в 18.00
Купить билет 

6 апреля /чт/ -
Йöратымаш да кöгöрчен-влак/Любовь и голуби /12+/
Начало в 18.00
Купить билет 

9 апреля /вс/ -
Сöсна поминка/Поминки по свинье /16+/
Начало в 15.00 
Купить билет 

11 апреля /вт/ -
Гастроли Чувашского гос. академ. драмтеатра им. К.В.Иванова
Красная шапочка и инопланетяне /6+/
Начало в 10.00  

12 апреля/ср/ -
Малый зал
Премьера
Цилиндр /16+/
Начало в 18.00
Билеты в кассе театра  

21 апреля /пт/ -
Премьера
Тулар ден тулаче /Сват и сваха /12+/
Начало в 18.00
Купить билет 

23 апреля /вс/ -
Закрытие 97-го театрального сезона
Премьера
Тулар ден тулаче /Сват и сваха /12+/
Начало в 15.00
Купить билет 

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел. 
78-13-78 (касса).

Виртуальный тур

Задай свой вопрос!

Click on the image to change it

Anniversaries


23 марта - 90 лет
засл. арт. МАССР, засл. арт. РСФСР
(1927-2014) 
 
23 апреля - 85 лет
засл. деятелю искусств МАССР,
нар. арт. РМЭ
(1932-2009) 




If you have any questions, you can write us web@shketan.ru
MariRussian (CIS)English (United Kingdom)