«Поро пошкудо - пел кудо»

М.Шкетан лӱмеш национальный театр тенийсе тургымым петырымыж деч вара сценыш эше ик у спектакльым лукто. Тиде татар драматург И.Зайниевын «Люстра» пьесыж почеш шындыме «Поро пошкудо – пел кудо» спектакль ыле. Тудым марлашке Мария Илибаева кусарен.
Сценыште действий тӱҥалтыш гычак вияҥ кая. Пачерыш илаш гына пурышо Марсын (артист С.Данилов) кенета  люстрыжо кӱварыш волен возеш. Кӱшыл пачерыште чогыт дене перкалыме йӱкым колын умыла: тушто ала-мом ыштылыт. Куржын кӱза. Умбакыже, лудшо тогдая, содом тӱҥалеш. Ваш-ваш титаклыме коклаштак инвалид коляскыште шинчыше суртоза вате, Пӧкла кокай, ӱлыл пачерыш илаш куснышо пӧръеҥым шоҥгеш кодшо ӱдыржылан мужыр пелаш лийын кертше семын ончаш тӱҥалеш.  Марий Элын калык артисткыже Р.Макарова, оҥай театральный прием-влакым кучылтын, ойыртемалтше образым чоҥа. Ӱдыржӧ Эльфаланат  (артистка Е.Мочалова) Марс келша. А тудыжын ойырлымо ватыже толын лектеш. Венерам модшо С.Строганован  ты гана рольжо молгунамсе деч ойыртемалтшырак ыле. Каласыман, актер-влак мыняр тӱрлӧ рольышто лектыт, нуным ончаш тунар оҥайрак.
Действий кызытак тынар  вияҥеш, ончыкыжо мом вучыман – шоналтышым мый тӱҥалтыште. Но спектакль мучаш марте ик шӱлыш дене ончалте, ик татланат ончышылан лушкаш ыш пу. Тиде, мутат уке, режиссерын       мастарлыкше дене кылдалтын. Спектакльым Роман Алексеев сценыш луктын.  Конешне, пьесыжат оҥай. Тудын авторжо нерген каласен кодыде огеш лий. И.Зайниев эше 24 ияш веле. Шкеже Казаньыште Г.Камала лӱмеш театрыште актерлан ышта. Тыгак режиссер семын икмыняр спектакльым сценыш луктын. А драматургий дене 16 ияшак пашам ышташ тӱҥалын. Татарстаныште мемнан семынак драматург-влаклан  конкурсым увертарат. Зайниев тушто ик гана веле огыл сеҥыше-влак радамыште лийын. Самырык авторын пьесыжым Татарстанысе чыла театр шке репертуарышкыже налын, манаш лиеш. Тудым тыгак башкир-влак йӧратен шынденыт. Теве ынде марий ончышыланат темлышт. Тидыже, чынжымак, виян драматургий материал улмо нерген ойла.
Спектакльын художник-постановщикше – Сергей Таныгин, музыкым Сергей Маков келыштарен.
Тиде паша шушаш у тургымышто калыкым залыш шуко погаш тӱҥалеш манын ӱшаныме шуэш.

С.БЕЛКОВА.

М.Скобелевын фотожо.

"Марий Эл", 2001 ий 11 июнь

 

affiche

3 мая /ср/ -
Ух, пӧръеҥ-влак! 
Концерт /12+/
Начало в 18.00
Купить билет 

12 мая /пт/ -
Юбилейный концерт 
Анатолия Николаева /12+/
Начало в 18.00
Купить билет 

18 мая /чт/ -
Премьера
Тулар ден тулаче /Сват и сваха /12+/
Начало в 18.00
Купить билет  

21 мая /вс/ -
Нар. арт. РМЭ Светлана Строганова: 
У меня сегодня день рождения
Концерт  /12+/
Начало в 15.00
Билеты в кассе театра

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел. 
78-13-78 (касса).

Виртуальный тур

Задай свой вопрос!

Click on the image to change it

Anniversaries


23 марта - 90 лет
засл. арт. МАССР, засл. арт. РСФСР
(1927-2014) 
 
23 апреля - 85 лет
засл. деятелю искусств МАССР,
нар. арт. РМЭ
(1932-2009) 



 
 

If you have any questions, you can write us web@shketan.ru
MariRussian (CIS)English (United Kingdom)