Эчук, Полат Акпай, Ози Кузи

Эрла М.Шкетан лӱмеш Марий национальный драма театрын сценыштыже  - Российын сулло артистше (а ты лӱмым Марий Элын калык артистше лиймеке веле пуат)  Иван Смирновын пайремже. Афиша С.Чавайнын «Мӱкш отар» пьесыж почеш шындыме тыгаяк лӱман спектакль дене тудын бенефисше эртышаш нерген увертара.  Иван Викентьевич тушто Пӧтырын рольжым модеш.
Иван Смирновым пӱтынь марий тӱня сайын пала. Тудын усталык пашаже кок шӧрынан. Икымшыже – драматический артист, весы- же – мурызо. Кок шӧрынжат ик семынак талын вияҥын толын. Кок семынжат тудым калык йӧратен онча.
Мутат уке, эн ончычак Иван Смирнов – Марий национальный театрын актержо.  Мый адакат спектакль-влакын программкыштым лоштыклен шинчем.  Смирновым рольым модшо семын шымлем. Сӱрет тыгайрак: кумытыштыжо тудын лӱмжӧ уло, иктыже уке манме тӱшкашке возеш. Адакше ятырыштыже тудо икымше,  кокымшо корнышто возалтын. Тидыже тӱҥ рольым модын манын шижтара. Теве «Салика» спектакльымак налаш гын, тушто ГИТИС-ым пытарен толшо Иван Смирнов ончыч Эчукым модын гын, вара, Полат Акпай лийын, Саликам марлан налаш тӧчен. А пытартыш гана шындымаште Ози Кузим модеш. Тиде роль денак тудо фильмышкат возалтын.
Иван Смирновын модмо рольжым шымлен, 1985 ий гыч Марий драма театрын могай репертуар дене пашам ыштымыжым радамлаш, иктешлымашым ышташ лиеш. Лач тунам самырык актер труппышко ушнен. Да ӱмырлан тиде коллективлан ӱшанле лийын кодын. Тудын амплуаже такше могай? Мый гын каласашат ӧрам. Драматический рольымат, комедийныйымат ик семынак пеҥгыде кышкареш чоҥа.  Пӱртӱсын пуымо чапле йӱкшӧ (варажым эше  И.Палантай лӱмеш музыкальный училищыште тунемын) оперетта сынан спектакль-ыште модаш йӧным пуа.
Могай пьесыште модаш келша манме йодышемлан тудо вес семынже вашештенат кертын огыл, очыни.
-  Марий пьеса почеш шындымаштат, вес элласе да руш классикыштат,- манеш шкеже. - Но кусарыме паша-влак образ шотышто виянрак улыт. Тушто шонымаш келгырак, сандене уло мом модаш.
- Йӧратыме роль…
- Мый иктыжымат йӧратыде модын омыл. Но такше кудын дене пашам утларак ыштет, библиотекыш каен, литературым шымлет, режиссер дене каҥашет, пырля кычалат, кунам актер-влак ансамбль икте-весым умылен, полшен ышта, кунам чыланат ик шонымашке шуат, тугай годым рольжат утларак чонеш да ушеш кодеш.
 - А могай произведенийыш уэш пӧртылын, ондак ыштыме рольым угыч чоҥымо шуэш ыле?
- Ик пьеса декак пӧртылмаш уло. Но рольжо ийготым шотыш налын вашталтеш. «Саликаште», мутлан, кум тӱрлӧ рольым модаш логалын.
Теве «Мӱкш отарыштат» ончыч Евсейым модынам. Тунам Пӧтырын рольжым Иван Сергеевич Матвеев ыштыш. А мылам тиде герой чонемлан лишылын чучын, ӧрдыж гыч кугу актерым изиш кӧраненрак онченам. Илен-толын, тиде образ дене пашам ышташ логале. Мылам тудо келша.
- Шымлу утла кугу рольым ыштенат. Кажныже ойыртемалтше лийшаш. Кушеч материалым погет?
- Шкежат ом пале. Чылажат пашам ыштыме годым лектеш. Но пытартыш жапыште  шоҥгырак-влакем шканем икгайла чучаш тӱҥалыныт. Сандене утларак кычалаш логалеш.
- Актерын илышыштыже мо эн шерге?
- Мемнан пашана пашадар могырым кугун огеш аклалт. Но кунам ончаш толшо спектакль гыч тауштен кая, кунам тыйын героет зритель деке ала-могай келге шонымашым намиен шукта – тиде пиал. Пиаллан шотлем мый Виктор Дмитриевич Бурлаков, Иван Сергеевич Матвеев, Геннадий Романович Копцев гай мастар артист-влак дене пашам ыштымым.
Кӱчык материалем мучаште йодыш-вашмут семын лекте. А такше Иван Викентьевич дене мутланышаш эше ятыр. Кеҥежым тудо шӧртньӧ лӱмгечым палемдаш тӱҥалеш. Тиде – эртыме корным, ыштыме пашам иктешлыме пале. А эрла тудын бенефисше калыкым залыш шыҥ-шыҥ пога манын ӱшаныме шуэш.

С.БЕЛКОВА.   

Снимкыште: “Морко сем” спектакль гыч ужаш. Стапан Микале рольышто - Иван Смирнов.
(Фотом театрын архивше гыч налме.)
 
Иван Смирновын модмо икмыняр роль  
«Акпатыр» (С.Чавайн) – Тойблат
«Латкокымшо йӱд»  (У.Шекспир) – Фест
«Шӱм парым» (К.Коршунов) –  Володя
«Морко сем» (Миклай Рыбаков) – Стапан Микале
«Чоя Скапен» (Мольер) – Скапен
«Сонарзе ден суксо»  (А.Островский) – Нароков
«Пӧръеҥ пиал» (Б.Шоу) – Наполеон
«Сонар содом» (В.Вампилов) – Кушак
«Каче пазар» (Н.Гоголь) – Подколесин
«Ой, луй модеш» (А.Пудин, В.Пектеев) – Кырля
«Эреҥер» (М.Шкетан) – Ванька
«Чодыра» (А.Островский) – Восмибратов
«Поргем ӱмбалне ӱжара» (Ю.Байгуза) – Иксан
«Кеҥеж йӱд» (Н.Арбан) – Шумелев
«Ачийжат-авийжат...» (М.Шкетан) – Урядник
«Мӱкш отар» (С.Чавайн) – Пӧтыр

Марий Эл 2011 ий 14 апрель 

 

affiche

10 декабря /сб/ -
Премьера
Осал чоялык да йöратымаш / Коварство и любовь
Начало в 16.00
Купить билет  

11 декабря /вс/ -
Лесная сказка
Начало в 11.00 
Купить билет  

17 декабря /сб/ -
Юмынӱдыр / Дочь Бога
Начало в 16.00
Купить билет  

18 декабря /вс/ -
Хоровод вокруг ёлки
Большое сердце маленького Хрю
Начало в 14.00 
Купить билет 

25 декабря /вс/ -
Хоровод вокруг ёлки
Большое сердце маленького Хрю
Начало в 10.00 - купить билет  
Начало в 14.00 - купить билет
Начало в 17.00 - купить билет 

29 декабря /чт/ - 
Новогодний праздничный концерт
Начало в 18.00 
Купить билет 

С Новым 2017 годом!

3 января /вт/ -
Йöратымаш да кöгöрчен-влак / Любовь и голуби
Начало в 16.00
Купить билет 

4 января /cр/ -
Алиса, Анфиса, Аниса
Начало в 16.00
Купить билет 

5 января /чт/ -
Эх, кушто ӱдырым муаш?.. / Женись, сынок, женись
Начало в 16.00
Купить билет

6 января /пт/ -
Марийская ёлка
Чоя рывыж
Начало в 10.00
Билеты в кассе театра 

7 января /cб/ -
Хоровод вокруг ёлки
Большое сердце маленького Хрю
Начало в 10.00 
Купить билет 

Поро пошкудо - пел кудо / Люстра
Начало в 16.00
Купить билет 

8 января /вc/ -
Хоровод вокруг ёлки
Большое сердце маленького Хрю
Начало в 10.00 
Купить билет 

Ойырледа? Огына ойырло! / Развод по-марийски
Начало в 15.00
Купить билет 

22 января /вc/ -
Пысман корем / Овраг
Начало в 15.00
Купить билет 

27 января /пт/ - 
Концерт
засл. арт. РФ, нар. арт. РМЭ
Ивана Смирнова

Начало в 18.00 
Купить билет  

31 января /вт/ -
Кресӱдыр /Крестница
Начало в 18.00
Купить билет  

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Заказать билеты можно по тел. 
45-16-04, 78-13-78 (касса),
а также 
89371131952 (Алиса,
89278843375 (Елена).

Виртуальный тур

Ask your qwestion!

You can send question to any employee of the theater, and we will ask it.

Click on the image to change it

Anniversaries


20 октября - 90 лет
засл. арт. МАССР
(1926-1982) 
 
13 ноября - 85 лет
нар. арт. МАССР
(1931-2007) 




If you have any questions, you can write us web@shketan.ru
MariRussian (CIS)English (United Kingdom)