Полатшак юзо виян

М.Шкетан лӱмеш  Марий национальный драма театрын полатше Йошкар-Оланан рӱдӧ площадьшым ынде пел курым сӧрастара. 1961 ий 8 апрельыште тудо икымше гана калыклан шке омсажым почын.
Марий театрлан у полатым чоҥымо нерген шомак эн ончыч 1947 ийыште шочын. Но пашам 1951 ийыште веле тӱҥал кертме. Проектын авторжо – П.А.Самсонов. Тудо Йошкар-Олан тӱҥ архитекторжо лийын. Павел Алексеевич негызлан Калугысо театр оралтын проектшым налын.
- Павел Алексеевичын паша кабинетше Пушкин уремысе кок пачашан пу пӧртыштӧ ыле,- шарналта эртыше жапым М.Шкетан лӱмеш театрын  тунамсе тӱҥ режиссержо, Россий искусствын сулло деятельже С.И.Иванов. – Мыйым шкеж деке ӱжеш, я ик йодыш, я весе шотышто каҥашым йодеш. Теве сценым келыштарыме годым кок вариант гыч иктыжым ойырен налаш кӱлын: барабанныйым але накладнойым ышташ. Икымшыже роскот шотышто шергын шуэшат, кокымшыжым ышташ кутырен келшышна. Тыге сцена ролик полшымо дене пӧрдеш.
Тунам театрыште лифтат улмаш. Тидыже декорацийым подвал гыч кӱзыкташ пеш йӧнан лийын.
А полатыште икымше гана ™дырамаш кечылан пӧлек- лалтше торжественный погынымашым эртареныт. Ик тылзе гыч сценыште икымше спектакльым ончыктеныт.  Тиде И.М.Смирновын почеламут корныла дене возымо пьесыж почеш шындыме «Асан ден Кансыл» лийын.  Тудым режиссер Сергей Иванович шынден. Тиде пеш кугу постановка улмаш. Декорацийлан материалым художник Юрий Торопов республика мучко кычалын.  Спектакльым театрын оркестржат чот сӧрастарен.
Тиде спектакльыште тӱҥ рольым Майя Романова ден Альберт Матвеев модыныт. Майя Тимофеевна Кансылын образшым моткоч йӧратен чоҥен, тидын нерген кызытат куанен ойла. А героиньыжын мурыжым (семжым Иван Молотов возен) варажым концертлаштат эре мурен.
- У полатыш куснымо годым  пеш тургыжланенна,- тунамсе жапым шарналта Сергей Иванович.- Ме икте деч лӱдынна: калык тушко кошташ тӱҥалеш мо? Эн ончычак, тушто вержат шукырак (850, тоштыштыжо - 600) лийын. Адакше тошто театрыш толмо годым еҥ-влак вургем шотышто утыжым кычалтылын огытыл. Сар деч вара чияшыжат мо пешыже лийын. Пӧръеҥ-влак  кирзе кем денат толын кертыныт. А у театрыште  чылажат йылгыжеш веле: паркетше, воштончышан фойеже. Театрым почмо лӱмешат шомакым тунамсе культура министр Анна Ильинична Казакова мылам ойлыктыш. Театрым чоҥымаштат, тичмаш налмаште культурым вияҥдыме шотыштат тудын надырже пеш кугу лийын. Варажымат кажне постановка тӱҥалшаш деч ончыч, калык ончыко лектын, шкем кучымо, моло шотышто кутырем ыле.
А калык погынымо шотышто арам тургыжланеныт. Еҥ-влак ола гыч веле огыл, ялла гычат шупшылалтыныт.
- Оршанка район, Тошто Крешын гычын толде ик спектаклят ончыкталтын огыл дыр,- манеш Сергей Иванович.
Тидлан ӧршаш уке, вет драматург Арсий Волков, композитор Евгений Волков (тудат спектакльым мурыжо да семже-влак дене сӧрастараш полшен), актриса Римма Руссина лач тушеч лийыныт. Моткоч кугу талантан артист Степан Иванович Кузьминыхат тышеч тораште огыл, Пуял кундемыште, шочын - кушкын.
М.Шкетан лӱмеш театрын усталык коллективше веле огыл, полатшак пӱтынь марий калыкым ушышо юзо виян. Тудо мыланна искусство тӱнянан рӱдыжӧ семын шерге. Мыняр уста драматический актерым, профессиональный мурызым куштен тудын сценыже! Тиде – калыкын тӱҥ поянлыкше.


С.БЕЛКОВА.
Снимкылаште: театрын полатше; «Асан ден Кансыл» спектакль гыч сцена.
 

"Марий Эл", 2011 ий 8 апрель

 

affiche

22 марта /ср/ -
Премьера
Осал чоялык да йöратымаш /Коварство и любовь /12+/
Начало в 18.00
Купить билет 

24 марта /пт/ -
В рамках фестиваля "Йошкар-Ола театральная"
Премьера
Эргымлан кузык /Приданое для сына /12+/
Начало в 18.00
Купить билет 

25 марта /сб/ -
В рамках фестиваля "Йошкар-Ола театральная"
Горномарийский театр
Оръеҥ мелна/ Свадебные блины /12+/
Начало в 15.00
Билеты в кассе театра  

26 марта /вс/ -
В некотором царстве /6+/
Начало в 11.00
Купить билет  

26 марта /вс/ -
Звёзды марийской эстрады  /12+/
Концерт
Начало в 15.00
Купить билет 

28 марта /вт/ -
Малый зал
Премьера
Цилиндр /16+/
Начало в 18.00
Билеты в кассе театра

30 марта /чт/ -
Айдеме йöратымаш /Любовь людей /18+/
Начало в 18.00
Купить билет  

2 апреля /вс/ -
Ойырледа? Огына ойырло! /Развод по-марийски /16+/
Начало в 15.00
Купить билет  

4 апреля /вт/ -
Салика /12+/
Начало в 18.00
Купить билет 

6 апреля /чт/ -
Йöратымаш да кöгöрчен-влак/Любовь и голуби /12+/
Начало в 18.00
Купить билет 

9 апреля /вс/ -
Сöсна поминка/Поминки по свинье /16+/
Начало в 15.00 
Купить билет 

11 апреля /вт/ -
Гастроли Чувашского гос. академ. драмтеатра им. К.В.Иванова
Красная шапочка и инопланетяне /6+/
Начало в 10.00  

12 апреля/ср/ -
Малый зал
Премьера
Цилиндр /16+/
Начало в 18.00
Билеты в кассе театра  

21 апреля /пт/ -
Премьера
Тулар ден тулаче /Сват и сваха /12+/
Начало в 18.00
Купить билет 

23 апреля /вс/ -
Закрытие 97-го театрального сезона
Премьера
Тулар ден тулаче /Сват и сваха /12+/
Начало в 15.00
Купить билет 

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел. 
78-13-78 (касса).

Виртуальный тур

Задай свой вопрос!

Click on the image to change it

Anniversaries


23 марта - 90 лет
засл. арт. МАССР, засл. арт. РСФСР
(1927-2014) 
 
23 апреля - 85 лет
засл. деятелю искусств МАССР,
нар. арт. РМЭ
(1932-2009) 




If you have any questions, you can write us web@shketan.ru
MariRussian (CIS)English (United Kingdom)