Театрыште кеч-кӧжат, кеч-можат яндар лийшаш

Ойлышаш шомакем уло

Поро кече, "Марий Эл!"
Тений Йошкар-Олашке спектакльым, концертым ончаш мияш амал, йӧн шукак лие. Спектакль ден концертлаш ончаш коштшо калыкын койыш-шоктышыж нерген возалташ шонен пыштышым.
Кеч-могай  саманыштат культура айдеме чоныш пайрем кумылым пурта, тыгак ару кап-кыл, ару тӱс дене кылдалтын.
Шинчем Шкетан лӱмеш театрыште. Спектакль кая. Ончаш толшо-влак пурат да пурат. Пычкемышыште верыштым кычалыт. Пурен пытышт. Сото телефон-шамыч йыҥгыртылыт.  
Ала-кӧжӧ, мешайкален,  фойеш лектеш, ала-кудыжо залыштак сото телефон дене мутлана, ала-мынярынже  войзаш кидыштым нӧлтыштыт.
Марийже ватыжым йыгыжтарен "кочкеш", кабак сырам пеш йӱнеже. Ватыже чушленрак лыпландараш тӧча.
Концертлаштат тӱрлым ужат. Тӱвыра полатысе залыште воктекем паша вургеман, тамак пуш дене "шуаралтше" пӧръеҥ шинче. Шӱлаш нелырак, логарым чыгылтара, воктечше кораҥым. Вес велне шичаш тӱҥалмем годым йӱшырак еҥ,  ала-мо амал дене торешлана.
Вес концертыште сырве-сорво  чиеман илалше ӱдырамаш нержым чыжик-чожик шупшын шинча. Сово кырыме олмеш йолташыжым шура: "Кычкыре, кычкыре, тазан!" Замечаний ыштымылан "ме шке палена" мане.
Теве вес ӱдырамаш зал покшелсе, рат ден рат кокласе корнышто тӧрштылын, кидшым вакш шулдырла лупшкедылын кушта.
Концерт пытен огыл, вургем налаш вашкат.
Южышт пуйто лӱмынак палымыштым вашлийын мутланаш толыт. Спектакль, концерт жапыштак сай ден экшыкшым ӱчашен тергат, комментироватлат.
Могай вургем дене театрыш мийыме нерген возаш мый стилист омыл, но лавырген, туржалт пытыше паша  вургем дене театрыш пураш - намыс. Намыс, товатат.
Театр - чон пайрем кудо. Тушто кеч-можат, кеч-кӧжат яндар лийшаш. Театрыш кайыме деч ончыч воштончыш ваштареш шогалын, ӱмбакет тӱткын ончалын, тутло пушан вӱдым пӱргалын, шагатышке ончалын, жапыштыже тушко миен шогалман. Ончымо годым йолым "пидман", умшам "печыман". Шкеныштым кучен моштыдымо-шамычлан верчын театрыш, тӱвыра полатлаш, омсам лупшалын, корнемым петырымем огеш шу.
Ала мый тыге возымем дене йоҥылыш лиям? Йоҥылыш шонкалем гын веле?
Анатолий Кушаков.
Звенигово ола.

"Марий Эл", 2011 ий 12 апрель 

 

affiche

28 марта /вт/ -
Малый зал
Премьера
Цилиндр /16+/
Начало в 18.00
Билеты в кассе театра

30 марта /чт/ -
Айдеме йöратымаш /Любовь людей /18+/
Начало в 18.00
Купить билет  

2 апреля /вс/ -
Ойырледа? Огына ойырло! /Развод по-марийски /16+/
Начало в 15.00
Купить билет  

4 апреля /вт/ -
Салика /12+/
Начало в 18.00
Купить билет 

6 апреля /чт/ -
Йöратымаш да кöгöрчен-влак/Любовь и голуби /12+/
Начало в 18.00
Купить билет 

9 апреля /вс/ -
Сöсна поминка/Поминки по свинье /16+/
Начало в 15.00 
Купить билет 

11 апреля /вт/ -
Гастроли Чувашского гос. академ. драмтеатра им. К.В.Иванова
Красная шапочка и инопланетяне /6+/
Начало в 10.00  

12 апреля/ср/ -
Малый зал
Премьера
Цилиндр /16+/
Начало в 18.00
Билеты в кассе театра  

21 апреля /пт/ -
Премьера
Тулар ден тулаче /Сват и сваха /12+/
Начало в 18.00
Купить билет 

23 апреля /вс/ -
Закрытие 97-го театрального сезона
Премьера
Тулар ден тулаче /Сват и сваха /12+/
Начало в 15.00
Купить билет 

Cпектакли идут с синхронным переводом на русский язык.

Время работы кассы с 11 до 19 час.,
обед - с 14.00 до 15.00
понедельник - выходной.

Забронировать билеты можно по тел. 
78-13-78 (касса).

Виртуальный тур

Задай свой вопрос!

Click on the image to change it

Anniversaries


23 марта - 90 лет
засл. арт. МАССР, засл. арт. РСФСР
(1927-2014) 
 
23 апреля - 85 лет
засл. деятелю искусств МАССР,
нар. арт. РМЭ
(1932-2009) 



 
 

If you have any questions, you can write us web@shketan.ru
MariRussian (CIS)English (United Kingdom)